Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ouattararen indarrak jauregian sartu dira, Gbagbo harrapatzeko


2011-04-06 11:56

Oraindik ez dute lortu [...]. Zeregin horretan daude, eraikinaren barruan dagoeneko, adierazi du matxinoen bozeramaile batek. Frantziak iragarri du Gbagbok hurrengo orduetan emango duela amore.

Alassane Ouattara Boli Kostako presidente hautetsiaren tropak Laurent Gbagbo agintea uztea errefusatzen duen agintariaren jauregian sartu dira, hura atxilotzeko, matxinoen bozeramaile batek jakinarazi duenez.

Jauregian sartu dira Gbagbo harrapatzeko, baina oraindik ez dute lortu [...]. Zeregin horretan daude, eraikinaren barruan dagoeneko, esan du Affousy Bamba eledunak Reuters agentzian.

Frantziako Gobernuaren iturriek baieztatu egin dute erasoa, baina eurak ez daudela parte hartzen ari gaineratu du.


Gbagbok hurrengo orduetan eman lezake amore

Bestalde, Edouard Guillaud Frantziako Estatu Nagusiko buruak esan du Gbagbok amore emango duela hurrengo orduetan, hark agintea uztea errefusatu badu ere.

Gbagbo negoziatzen ari da, baina uko egin dio agintea emateari, esan du Europe 1 irrati-katean eskainitako elkarrizketa batean. Halaber, agintaria erbesteratzea posible dela erantsi du.

Militar frantziarren esanetan, NBEk eskatzen badu, baliteke Frantziak berriz erasotzea Gbagboren instalazioak, aste hasieran egin bezala.

Boli Kosta Frantziako kolonia izan zen, eta Parisek bikoiztu egin du herrialde horretan duen soldadu kopurua (900etik 1.600era).



Informazio gehiago:Eitb: Ouattararen indarrak jauregian sartu dira, Gbagbo harrapatzeko

40 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin