Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Otegi astelehenean epaituko dute, Bateragune auziagatik


2011-06-26 18:02

Batasunako bozeramaile ohiarekin batera, Rafa Díez, Sonia Jacinto, Miren Zabaleta, Arkaitz Rodriguez, Txelui Moreno, Jose Manuel Serra eta Amaia esnal epaituko dituzte.

Arnaldo Otegi Batasunako bozeramaile ohia akusatuen aulkian eseriko da astelehenean Rafa Diez Usabiaga LABeko idazkari nagusi orokor ohia eta beste sei agintari abertzalerekin batera, Fiskalak 10 urteko kartzela zigorra eskatzen du legez kanpoko alderdia Bateragune izeneko taldearen bitartez berreraikitzen saiatzeagatik.

Otegi behin-behineko espetxealdian dago gai horregatik eta Rafa Diez, berriz, libre dago, fidantzapean, ama zaintzek. Beste akusatuak Sonia Jacinto PCTV-EHAK-ko diruzain ohia; Miren Zabaleta, Patxi Zabaleta Aralarreko koordinatzaile nagusiaren alaba eta Arkaitz Rodriguez dira. Azken hori 2006an epaitu eta aske utzi zuten ETAren informazio eta jendea erakartzeko aparatuaren kide izateagatik.

Beste hiru akusatuak Jose Luis (Txelui) Moreno Sagües, aldundirako legez kanpoko zerrenda bateko hautagaia, Jose Manuel Serra eta Amaia Esnal dira, horiek aske daude 10.000 euroko fidantzapean.
Vicente Gonzalez Mota fiskalaren arabera, ETAren helburuen menpeko polo soberanista baten bidez eraikuntza nazionalarako indarren batuketa egitea zen Bateraguneren egitekoa.

Fiskalaren arabera, gutxienez hamar aldiz bildu dira Bateraguneko kideak. Lehenengo bilera 2009ko apirilaren 17an izan zen, Donostiako LAB sindikatuaren egoitzan. Izan ere, urte bereko urriaren 13an leku berean Otegi, Diez Usabiaga, Jacinto, Zabaleta eta Rodriguez atxilotu zituzten.



Aralar: Politika egiteagatik epaituko dituzte

Aralar alderdiko ordezkariak epaiketan izango direla iragarri dute, zortzi auzipetuen absoluzioa eskatzeko eta hauei elkartasuna adierazteko.

Ohar baten bidez honek jakitera eman duenez, Jon Abril koordinatzaileordea, Txentxo Jimenez Nafarroako koordinatzailea eta Laida Elizegi Iratzarriko koordinatzailea izango dira bertan.

Aralarren ustez, epaiketa denboraz eta lekuz kanpo dago. Politika egitea ezin da inoiz delitutzat jo eta auzipetuak politika egiteagatik epaituko dituzte, nabarmendu du Abrilek.

Otegi



Informazio gehiago:Eitb: Otegi astelehenean epaituko dute, Bateragune auziagatik

135 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin