Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ostegunetik aurrera, FBIak Megauploadeko datuak ezabatu ahalko ditu


2012-01-30 17:47

Hori dela eta, web horren itxieragatik kaltetutakoek plataforma berri bat sortu dute FBIaren kontrako salaketa kolektibo bat egiteko helbururarekin.

Ostegun honetatik aurrera, FBIk aurreko astean itxiarazitako Megaupload atariko datuak ikuskatu eta, nahi izanez gero, ezabatzeko aukera izango du. Hori egiteko beharrezkoak diren baimenak lortu dituzte, eta jadanik datuak eskatu dizkiete artxiboen trukean oinarritzen den web guneko hosting hornitzaileei.

The Guardian egunkariaren arabera, Virginia ekialdeko barrutiko fiskalak eman du datu guztiak ikuskatzeko beharrezkoa den baimena. Behin hori lortuta, FBIk Megauploadentzako datuak metatzen lan egiten duten Carpathia Hosting eta Cogent Communications kanpo enpresak goitik behera ikertzeko baimena lortu du.

Orain arte, Carpathia eta Cogent enpresetako ordezkariek ez dituzte adierazpenik egin, nahiz eta fiskalaren iritziz hauek izan Megauploaden zerbitzariak kontrolatzen zituzten enpresak. Hori dela eta, beraiek izan beharko dute arazo hori konpontzeko ardura.

Ira Rothken Megauploaden sortzaileen abokatuak datuak ezabatu ez daitezen borrokatuko duela esan du, hori egiteak 50 milioi erabiltzaileen datu eta artxiboak betirako ezabatzea ekarriko lukeelako.

Erabiltzaileen defentsan

Rothkenek azaldu duenez, erabiltzaileentzako datu oso garrantzitsuak izateaz gain, artxibo horiek bere bezeroak defenditzeko beharrezkoak izango liratezke.

Hori dela eta, web horren itxieragatik kaltetutakoek plataforma berri bat sortu dute FBIren kontrako salaketa kolektibo bat egiteko helbururarekin. Salaketa Pirates de Catalunya elkarteak egin du, Pirate Parties Internationalen laguntzarekin, eta bertan webgunearen itxieraren aurkako sinadurak biltzen dira.

Megaupload



Informazio gehiago:Eitb: Ostegunetik aurrera, FBIak Megauploadeko datuak ezabatu ahalko ditu

170 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin