Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ostegun Gizena: inauteriak bertan dira


2012-02-16 09:06

Gaur ez bada bihar hasi eta sei egunez ia Euskal Herri osoa murgilduko da inauteri giroan. Tolosan, eguerdian egingo du eztanda festak.

Heldu da ostegun gizena, festa, umorea eta mozorroak ateratzeko garaia dela iragartzen digun eguna, alegia. 

Tolosan eguerdiko 12:00etan egingo eztanda inauteri festak. Pregoiaren ondoren, eguerdian, Plaza Zaharrean jaurtiko duten suziriak emango dio hasiera asteartera arte luzatuko den mozorro festari.

Goizean hasiko da festa giroa Tolosan. Etxeberriko oinordekoen udal bandoa lehendabizi, eta udal txitulari bandak gero zortzikoa joz eginen du betiko ibilbidea. 11:45etan Kabi-Alai elkarteak izendatutako inauterizale kuttunaren aurkezpena izango da eta ondoren pregoia.

Segidan, 12:00etan, herria dantzan jarriko duen suziria jaurtiko dute Plaza Zaharrean. 

Errenterian eta Eskoriatzan ere abiatuko dituzte gaur inauteriak. Errenterian Azeri-dantza izango da arratsaldean, Ereintza dantza taldearen eskutik. Eta Eskoriatzan berriz, urdelardero eguna ospatuko dute gaur. Umeak baserritar jantzita kalez-kale ibiliko dira kantari.

Hiriburuak

Hiriburuei dagokienez, Bilbon, Farolin eta Zaranbolasen epaiketak emango die hasiera aratusteei. Gasteizen, lehen aldiz, konpartsen pregoiak abiaraziko ditu inauteriak. Donostiara, Momo jainkosa iritsiko da eta ongi-etorria egin ondoren, hiriko giltza emango diote.

Iruñean bihar hasiko dira iñauteak pregoia irakurrita, eta Ipar Eukal Herrian, Zuberoan, maskaradak hasiko dira.

Gaur ez bada bihar hasi eta sei egunez ia Euskal Herri osoa murgilduko da inauteri giroan. Lotsak etxean utzi eta bakoitzak nahi duen mozorroa jartzeko egunak abiatu dira.

Txarangaz



Informazio gehiago:Eitb: Ostegun Gizena: inauteriak bertan dira

322 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin