Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Osasun arretan sortutako arazo batek Trebiñuren gatazka berpiztu du


2012-02-28 20:46

Trebiñun erroldatuta dagoen emakume bat Txagorritxutik Burgoseko erietxe batera igorri dute. 10 bat kilometrotara du Gasteizko ospitalea, eta 100 kilometrotara, berriz, Burgosekoa.

Gaixotasun kroniko bat duen Trebiñuko emakume bat Txagorritxutik Burgoseko erietxe batera igorri izanak Trebiñuren adskripzioaren inguruko gatazka berpiztu du.

Astearte honetan, emakume horrek eta bere familiak bizi duten egoera salatzeko akordioa onartu dute Trebiñuko Udalean.

Proposamena aurrera eraman duten sei zinegotziek azaldu dutenez, bere herritik 10 bat kilometrotara dagoen Gasteizko Txagorritxu ospitalera igorri zuten emakumea, gaixo. Baina, gaixotasun hori kronikoa zela ikusita, eta Trebiñun erroldatuta dagoenez, Gasteiztik Burgoseko San Juan de Dios erietxera bideratu zuten, etxetik 100 kilometro baino gehiagora.

Ciudadanos del Condado, Agrupacion Independiente, EAJ eta Bildu alderdien aldeko botoekin onartu dute egoera salatzeko proposamen, eta kontra bozkatu dute PPko kideek (tartean Trebiñuko alkatesak ere).

Orain aste batzuk EAEko eta Gaztela eta Leongo erkidegoek sinatutako jarduera protokoloak Trebiñuko beharrei erantzuteko gai ez dela salatu dute testu horretan, eta elkarretaratzeak deitu dituzte.



Informazio gehiago:Eitb: Osasun arretan sortutako arazo batek Trebiñuren gatazka berpiztu du

63 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin