Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ormazabalek 5 milioiko kontratua lortu du Iberdrola Brasilekin


2012-02-20 13:53

EAEko elektrizitate enpresak Iberdrola Ingeniaritzak Brasilen dituen parke eolikoak ekipo elektrikoz hornituko ditu.

Ormazabal euskal enpresa elektrikoak bost milioi euro inguruko kontratua lortu du Iberdrola Brasilekin, parke eolikoak ekipo elektrikoz hornituko ditu.

Euskal enpresak prentsa-ohar baten bidez zabaldu duenez, azpiestazioetarako eta aerosorgailuetarako gelaxkak egingo ditu Iberdrola Ingeniaritzarentzat; Rio Grande do Norte eta Bahia estatuetan instalatuko dituzten 144 aerosorgailuetarako erdi-tentsioko ekipoak eta azpiestazioetarako lehen mailako banaketarako 35 ekipo, hain zuzen ere.

Ormazabalek proiektu honen garrantzia azpimarratu du, horri esker taldeak nazioartean duen presentzia indartu egingo baita; batez ere, Brasilen ?hazkunde gaitasun handia duen merkatu batean?.

Gaur egun, enpresa honek presentzia nabarmena du Alemanian, Argentinan, Brasilen, Txinan, Espainian, Frantzian, Polonian eta Turkian. Beste 50 herrialde baino gehiagotan ere presentzia du filialen eta banatzaileen bidez.

Ormazabal 1967. urtean sortu zen, eta erdi-tentsioko elektrizitatea banatzeko sareetarako zerbitzu eta ekipo hornitzaile garrantzitsuenetakoa da. Zamudion (Bizkaia) du egoitza nagusia, 1.500 langile baino gehiago ditu, eta 373 milioi eurotik gorako salmentak egiten ditu urtean.



Informazio gehiago:Eitb: Ormazabalek 5 milioiko kontratua lortu du Iberdrola Brasilekin

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin