Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Orixeko finalaz eta Lierniko afariaz, Hitzetik Hortzera saioan


2011-03-11 15:13

Irati Andak bere bertso-filosofia azalduko du platora egindako bisitan.

Irati Anda bertsolaria izango du asteon alboan Jon Artanok Hitzetik Hortzera saioan. Umetatik hurbildu zen bertsolaritzara Irati Gasteizko Txusta tabernako eskolari esker eta ordutik aldean eraman du bertsoarekiko maitasuna noranahi joanda ere. Goi mailako eskalatzailea izaki, eliteko kirolari erabat emana izan den tarte batzuetan plazetan kantatzeari utzi bazion ere, iaz parte hartu zuen Araban jokatu zen koadrila arteko txapelketan eta aurten ere ari da; igandean bertan Zigoitian jokatuko den lehenbiziko finalerdian kantatuko du.

Adi denok, jolasa hasi da!

Bigarren urtez jarraian apirilaren 30ean Belfasten ospatuko den Bertso Dinner-era joango da HHko taldea. Asteburu osorako festa prestatu dute antolatzaileek eta Irlanda, Eskozia, Gales eta Ingalaterrako diasporako euskaldun jendeak biltzeaz gain, bertsozale mordoska joango da Euskal Herritik ere. HIitzetik Hortzerak bi lagun nahi ditu gonbidatu asteburu-pasa horretarako eta aurten ere Bertso Dinner lehiaketa jarri du martxan. Belfasten kantuan arituko diren bertsolariek, Amets Arzallusek eta Andoni Egañak, jarritako puntuei bideoz erantzun eta grabazioak lantaldeari bidali behar dizkio parte hartu nahi duenak bertsodinner@eitb.com helbidera. Osterantzean, programak facebook-en duen txokoan zintzilikatu ditzake edo posta arruntez bidali (BERTSO DINNER LEHIAKETA. Hitzetik Hortzera. Miramon Pasealekua 172, 20.014 Donostia). Argibideak 943011684 eta 943011685 telefonoetan.

Uranga txapeldun, bai Orixe

Añorgako Antxon Aiestaran kultur-etxean jokatutako finalean Jokin Uranga azpeitiarrak jantzi zuen txapela. Oholtzan kantuan jardun zuen seikotea, kanporaketetatik sailkatutako beste bost bertsolari hauek osatu zuten: Iñaki Gurrutxaga, Iñigo Manzisidor Mantxi, Nahikari Gabilondo, Iratxe Ibarra, eta Felix Zubia. Besteak beste txapeldunak egindako kartzelako lana erakutsiko dute programan.

Betiko lekuan, betiko lagunak

Mutiloan, Lierni auzoko Mujika jatetxean, aspaldiko urteetan egiten duten moduan, oturuntza ederra eta bertso saio gozagarria izan zuten postrearen gainerako ostegun gizen egunean. Kantuan aspaldiko lagunak: Andoni Egaña, Anjel Mari Peñagarikano, Sebastian Lizaso eta Iñaki Murua.

Bibragailua mozorro afarian

Jasotako-en atalean Hondarrabitik bidalitako bertso-mozorro afariko momentu ederrenak. Jaizkibel Konpainiakoek deituta Uxue Alberdi eta Jon Maia jardun ziren Olagarro elkartean bertsotan. Ikuskizunak goia jo zuen bertsolariek mozorroz betetako maletatzar batetik bibragailua atera zutenean.

Erreportajea Lekunberriko eskolan

Nafarroako txapelketaren harira joan den astean abiatutako erreportaje sortaren bigarren alean Lekunberriko bertso eskolan izango dira. Bertan biltzen direnetatik bost sailkatu ziren iaz Lesakako finalerako.

Txinotxu txapeldun atera zenekoa

Zuri-beltzekoa-n Joxe Agirre Oranda eta Imanol Lazkanoren arteko disputa; norbere diruak gordetzeko leku onena zein den gai hartuta. Zapping-ean 1984tik telebistan erakutsi ez den pieza: Arabako lehen bertsolari txapelketa. Juan Isasi Txinotxuk jantzi zuen txapela orduko hartan, eta gerora ez du, berriz, jendaurrean kantatu. Xabier Ormaetxea Txerren, Rikardo Gonzalez de Durana eta Serapio Lopez ere ageri dira bideoan besteak beste.

Igandean, 21:00etan, ETB-1en eta bezperatik ikusgai eitb.com-en.



src=http://www.eitb.com/multimedia/images/2011/03/11/435937/435937_Redimensionamiento_de_Hitzetik_Hortzera_10_detalle_1.jpg/



Informazio gehiago:Eitb: Orixeko finalaz eta Lierniko afariaz, Hitzetik Hortzera saioan

764 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin