Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Oriok hartuko du Gipuzkoako Bertsolari Txapelketaren lehenengo saioa


2011-05-08 11:46

Igande honetan hasiera emango diote 2011ko txapelketari eta datorren abenduaren 18an, Donostian, bukatuko da. Bidean, 26 herritan egingo dituzte saioak, eta 76 bertsolarik hartuko dute parte.

Igande honetan, maiatzaren 8an, hasiko da 2011ko Gipuzkoako Bertsolari Txapelketa. Lehenengo saioa Orioko herriak hartuko du. Bertan, 12 bertsolarik hartuko dute parte. Andoni Otamendi, Arnaitz Lasarte, Endika Igarzabal, Andoni Goiti, Josu Oiarzabal eta Julen Agirreburualde arituko dira goizez; eta Antton Fernandez, Gorka Azkarate, Ibai Esoain, Mikel Artola, Mikel Olaizola eta Nekane Zinkunegi, arratsaldez.

Gpuntua marka oinarri hartuta, 26 saio egingo dira Gipuzkoako beste hainbeste herritan, abenduaren 18an Donostiako finalera heldu arte.

Guztira, 76 bertsolarik hartuko dute parte txapelketan, eta, ohi bezala, bi fasetan jokatuko da. 60 bertsolari hasiko dira lehen fasean, eta 20 saio jokatuko dituzte. 10 herritan egingo dira lehen faseko saio hauek, goizez eta arratsaldez. Gainerako 16 bertsolariak irailean gehituko zaizkie: 2007an finalerdietan egon ziren 10ak final zortzirenetan, eta 6 finalistak final laurdenetan.


Herri bakoitzean bazkaria izango da, nahi duten guztientzat irekia. Saioetarako eta bazkaritarako sarrerak gpuntua.com webgunean salduko dira soilik.

Hemen duzu sailkapen fasearen egitaraua:

Orio (goiza) (2011/05/08) Orio (arratsaldea) (2011/05/08)
Mutriku (goiza) (2011/05/14) Mutriku (arratsaldea) (2011/05/14)
Alegia (goiza) (2011/05/14) Alegia (arratsaldea) (2011/05/14)
Soraluze (goiza) (2011/05/15) Soraluze (arratsaldea) (2011/05/15)
Lezo (goiza) (2011/05/15) Lezo (arratsaldea) (2011/05/15)
Amezketa (goiza) (2011/05/28) Amezketa (arratsaldea) (2011/05/28)
Usurbil (goiza) (2011/05/28) Usurbil (arratsaldea) (2011/05/28)
Gabiria (goiza) (2011/05/29) Gabiria (arratsaldea) (2011/05/29)
Aretxabaleta (goiza) (2011/05/29) Aretxabaleta (arratsaldea) (2011/05/29)
Zumarraga-Urretxu (goiza) (2011/06/05) Zumarraga-Urretxu (arratsaldea) (2011/06/05)

src=http://www.eitb.com/multimedia/images/2011/05/04/468483/468483_210102_221949034485503_210707752276298_1010541_5860242_o_detalle_1.jpg/



Informazio gehiago:Eitb: Oriok hartuko du Gipuzkoako Bertsolari Txapelketaren lehenengo saioa

303 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin