Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Opor fiskalen gatazka, urratsez urrats


2011-03-09 19:59

EAEko foru aldundiek gatazkari buruzko ikuspuntua azalduko dute Luxenburgoko Auzitegian. Udara arte ez du erabakirik hartuko erakunde horrek.

Opor fiskalak lehen mailako albiste dira berriro. Ostegun honetan, auzi gatazkatsuari buruzko ahozko saioa egingo dute Luxenburgoko Auzitegian. Han, EAEko hiru foru aldundietako ordezkariek auzi luze horri buruzko beren ikuspuntuaren alde egingo dute; 350 bat enpresari eragiten die aferak, eta baliteke erakundeak Europar Batzordeari isun handia ordaintzera behartzea.

Oraingoan, ez dute ezbaian jarriko 90eko hamarkadan enpresei emandako laguntza fiskalak arauz kontrakoak zirela esan zuen epaia. Egun, onuradun enpresa horiek foru aldundiei laguntza horiek itzuli egin behar ote dizkieten da eztabaidagai.

2009ko irailean Europako Lehen Auzialdiko Auzitegiak opor fiskalak arauz kontrakoak zirela berretsi zuen, eta dirua foru aldundiei itzuli behar zitzaiela agindu zuen.

Enpresei ezartzen zitzaizkien zerga-salbuespenak ziren 1993ko opor fiskalak; enpresek baldintza batzuk bete behar zituzten jasotzeko: gutxieneko inbertsio bat eta enplegu kopuru zehatz bat.

Opor fiskalak 1993an jarri ziren abian, EAEn krisi ekonomiko handia zegoela eta. Egoera horretan, inbertsio berriak sustatzea zuten helburu, ekonomiari laguntzeko.

Errioxako Gobernuak helegitea jarri zuen, neurriak diskriminatzaileak zirelakoan. Orduan, foru aldundiek, zerga subiranotasuna zutenez gero, Espainiakoak ez bezalako zergak ezartzeko gaitasuna zutela onartu zuen Europako Justiziak, baina salbuespenok ezkutuko estatu laguntza izan zirela ere esan zuen, eta barkatutako dirua kobratzera behartu zituen foru aldundiak.

Ez dago enpresa horien zerrenda ofizialik, baina litekeena da 350 bat izatea; guztira, 570 milioi euro itzuli beharko lituzkete.

src=http://www.eitb.com/multimedia/images/2010/11/15/376899/376899_Pedro_Bermeo_detalle_1.jpg/



Informazio gehiago:Eitb: Opor fiskalen gatazka, urratsez urrats

325 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin