Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Onik aurkitu dute Barañainen desagertutako adinekoa


2012-01-15 12:42

80 urteko gizonezkoa San Cristobal mendian aurkitu du bikote batek eta egoera onean badago ere, ospitalera eraman dute.

Barañainen larunbat honetatik desagertuta zegoen 80 urteko gizonezkoa onik aurkitu du bikote batek San Cristobal mendian. Egoera onean dagoen arren, Nafarroako Ospitalera eraman dute, azterketa mediko bat egin diezaioten.

Larunbat honetatik Barañainen desagertuta dagoen 80 urteko gizonezkoa bilatzeko lanak martxan jarri ditu Nafarroako Larrialdietarako Agentziak. Senitartekoek gizona ikusi zuten azken aldia larunbat arratsalde honetan izan zen, mezara joateko etxetik irten zenean.

20:00ak aldera, adinekoa etxera itzultzen ez zela ikusita, haren semea bere bila atera zen baina ez zuen aurkitu eta hori dela eta, salaketa aurkeztu zuen Udaltzaingoaren egoitzan. Antza, adinekoak osasun arazoak ditu baina ez du inoiz etxetik alde egin. Gizonezkoa ikusia izan zen azken lekua Barañaingo lakuaren zonaldean izan da.

Gaua bitartean Polizia Forala, Guardia Zibila, Gurutze Gorriko eta DYAko boluntarioak eta Cordovillako suhiltzaile talde bat aritu dira Barañaingo alde zaharrean, landetan eta ibaiaren inguruan adinekoa bilatzen.



Informazio gehiago:Eitb: Onik aurkitu dute Barañainen desagertutako adinekoa

300 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin