Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Onairrizko eraikinak hustea onartezina dela iritzi diote geologoek


2011-05-12 13:16

Murtzia bezalako gune sismiko batean eraikinak lurrikarei aurre egiteko prest egon beharko luketela azpimarratu du Geologoen Elkarte Ofizialak.

Ospitalak eta oinarrizko eraikinak hustuarazi beharra onartezina dela iritzi dio Geologoen Elkarte Ofizialak eta gune sismiko batean eraikuntza guztiek erabat ziurtatuta egon behar dutela azpimarratu du Lorcako gertatu denari buruz galdetuta.

Lurrikarak ezin dira aurretiaz ezagutu, baina gertatzeko arriskua dagoen lekuak identifikatuta daude Murtzia esaterako, azaldu du Jose Luis Barrera Geologoen Elkarte Ofizialeko zuzendariordeak.

Ezaugarri hori jakinda prebentzio politikak ezartzea beharrezkoa dela nabarmendu du, eta hortaz, eraikin guztiak lurrikarei aurre egiteko prestatuta egon behar dutela. Horregatik, Ospitalak bezalako oinarrizko larrialdi zerbitzuak behera etor daitezkeelako hustea onartezina eta sinesgarria dela azaldu du. Prebentzio politika bat jarraituz, eraikuntzan oinarrizko arauak ezarrita, ur-tangek eta zentral elektrikoek ere ez luketela kalterik jasan behar gaineratu du. 

Espainian lurrikarei aurre egin ahal izateko lehen araua 1970ekoa da eta txosten eta datu berriak ateratzen diren neurrian eguneratzen da.

Lorcako erdigunean eraikinak araua indarrean sartu baino lehenagokoak direla adierazi du Barrerak eta beraz, neurria ezartzea garestia izango litzatekeela baina erpinak eta gainaldeak ziurtatzea, malda guneetan ez erakitzea edota solairu gutxitako eraikuntzak egitea oso erraza da, azaldu du.


Bagenekien gerta zitekeela

Bagenekien gerta zitekeela adierazi dio Ramon Capote Alhamako faila aztertzen duen geologoak Eferi. 20 urte daramatza Alhamako faila ikertzen, batez beste 0,08 milimetroko abiadura omen du, Nueva Zelanda edo Kaliforniako hainbat failekin alderatuta oso mugimendu txikia dela adierazi du. 

Horregatik Espainian ez dira hainbeste lurrikara gertatzen. Horrelako mugimendu bat eragiten duen adina energia biltzeko, hau da 6-7 graduko lurrikara sortzeko, denbora asko pasa behar du, adierazi du Capotek.

Inguru horretan 60 urte inguruan ez dela atzoko lurrikara bezain indartsurik errepikatuko azaldu du geologoak eta urte asko pasako direla toki berean beste horrelako bat errepikatzeko. 






Informazio gehiago:Eitb: Onairrizko eraikinak hustea onartezina dela iritzi diote geologoek

93 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin