Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Oiongo alkateak gose greba hasi du gaur Logroñon


2011-11-16 09:25

Ruben Garrido (PP) pankarta batekin eta aulki batean eserita jarri da Errioxako Gobernuaren egoitzaren aurrean bere herrikideei osasun arreta eman diezaietela eskatzeko.

Ruben Garrido (PP) Oiongo (Araba) alkateak gose greba hasi du gaur 09:00etan eta pankarta batekin eta aulki batean eserita jarri da Errioxako Gobernuaren egoitzaren aurrean herrikideei osasun arreta eman diezaietela eskatzeko.

Alkateak berak azaldu duenez, ez du berak albiste izan nahi, Oiongo herritarrek gertuko ospitaletan ez dutela arretarik jasotzen omen da albistea, eta arazoak irtenbidea behar duela.

Garrido behar adina denbora egongo da gose greban, osasun zerbitzuen gatazka konpondu arte, zaratarik egin gabe eta inorri enbarazu egin gabe, baina pankarta batekin herritarrek bere aldarrikapenaren berri izan dezaten.

Gaueko hotzari aurre egiteko, Ruben Garridok kanpin denda bat jarri du. Errioxako Gobernua eta Jaurlaritza akordio batera iritsi arte egingo du protesta, iraila arte gertatzen zen moduan, Oiongo eta inguruko herritarrek gertuen dituzten ospitaleetan, Errioxakoetan, artatu arte.

Garridok argi adierazi du ez duela Pedro Sanz Errioxako presidentearen kontrako protesta bat egin nahi, bere nahi bakarra Oiongo herritarrei osasuna ematea omen da. Izan ere, bere aldarrikapena alkate delako eta herriko osasun zentroan erizaina delako egiten du. Inork ez dezala Pedro Sanzen kontrako ekintzarik ikusi, nire herriaren interesak defendatzea soilik da nire helburua, azpimarratu du alkateak.

Oionen manifestazioa egingo dute gaur 19:00etan Errioxako ospitaleetan osasun zerbitzua jasotzeko eskubidea aldarrikatzeko.



Informazio gehiago:Eitb: Oiongo alkateak gose greba hasi du gaur Logroñon

50 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin