Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Obama, Sarkozy eta Cameron Libian izango dira Gadafi menperatu arte


2011-04-15 08:19

Hiru agintariek artikulu bateratua idatzi dute nazioarteko hainbat egunkaritan, eta horretan, diktadoreak agintea utzi arte NATOk bonbardaketekin jarraituko duela ohartarazi dute.

Herrialde aliatuek Libiako operazio militarrekin jarraituko dute Muamar Gadafi diktadoreak agintea utzi arte, Barack Obama eta Nicolas Sarkozy AEBetako eta Frantziako presidenteek eta David Cameron Erresuma Batuko lehen ministroak ohartarazi dutenez.

Hiru agintariek artikulu bateratua idatzi dute hainbat egunkaritan: Londreseko The Times-en, Parisko Le Figaro-n, AEBetako International Herald Tribune-n eta Al Hayat arabiarrean.

Idatzian, buruzagiek adierazi dute Gadafik betiko utzi behar duela agintea, Libian Gobernu berria egin dezaten.

Gadafi agintean izan bitartean, NATOk eta aliatuek operazioekin jarraituko dute, zibilak babestu eta Erregimenaren aurkako presioa areagotzeko, azaldu dute.

Agintarien esanetan, diktadorea agintetik kanpo dagoenean, benetako trantsizioa hasiko da, diktaduratik denak ordezkatuta izango diren prozesu batera, buruzagi belaunaldi berri batek gidatuta.

Izan ere, gaur egun, Gadafik indarkeria erabiltzen jarraitzen du bere herriaren aurka, eta eraso odoltsuak abiatzen ditu matxinoen kontra.

NBEren ebazpenaren helburuen artean ez dago diktadorea botatzea, baina Obamak, Sarkozyk eta Cameronek nabarmendu dute ezinezkoa dela Gadafik agintean jarraitzea.

Artikulu honekin, hiru buruzagiek batasuna erakutsi nahi izan dute, NATO barruan zatiketak baitaude. Libiako operazioa zein bidetik abiatu ezin adostu daude.



Informazio gehiago:Eitb: Obama, Sarkozy eta Cameron Libian izango dira Gadafi menperatu arte

40 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin