Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Nevermind diskoan ageri den umea, berriro Nirvanaren lanaren azalean


2011-09-19 16:12

Nirvana taldearen Nevermind lanaren azalean ume bat zen nagusi. Orain, berriro ikusiko dugu Spencer Elden, 20 urterekin.

Nirvana taldeak Nevermind lana kaleratu zuen 1991ean, eta diskoko azalean lau hilabeteko ume bat ageri zen. Disko hori oso ezaguna izan da mundu mailan, eta baita azala ere. Ume horrek gaur egun 20 urte ditu, eta Spencer Elden izena du.

Talde estatubatuarrak Nevermind diskoa kaleratu zuen duela 20 urte, eta diskoaren urteurrena ospatzeko luxuzko disko bat kaleratu dute. Lan horren urteurrenak azalean ageri zen umearen adinarekin bat egiten du. Hori dela eta, berriro ikusi ahal izango dugu Spencer ur azpian.

Nevermind Super Deluxe Edition bildumak 4 CD eta DVD bat izango ditu. Grabazio originalez gain, nahasketa berriak, bitxikeriak eta demoak entzun ahal izango dira.

Spencerrek, bere aldetik, taldearen lan ezagunaren azalean agertzeaz oso harro dagoela dio. Duela bi hamarkada atera zioten argazkia gazteari, eta horren truke, bere gurasoek 200 dolar jaso zituzten.

Askok diote 90eko hamarkadan nagusi izan zela Nevermind, eta rockaren historian garrantzi handia izan du. Baina, Facebook sare sozialak lan horren azala zentsuratu du ume bat biluzik agertzen delako. Bitxia da; izan ere, duela 20 urte kaleratu zuten diskoa, eta aurten berriro kaleratuko dute urteurrena dela eta.

Bestalde, Eldenek Facebooken zentsura arintzeko hau adierazi du: Munduko pertsona askok ikusi dute nire zakila. Ez zaio arrazoirik falta, disko horren azala ia mundu guztian ezaguna baita.

Nevermind



Informazio gehiago:Eitb: Nevermind diskoan ageri den umea, berriro Nirvanaren lanaren azalean

32 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin