Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Netanyahuk dio ezin direla 67ko mugak aldarrikatu


2011-05-20 08:28

Israelgo lehen ministroa Obamarekin bilduko da gaur eta argi adieraziko dio errefuxiatu palestinarrak Israelgo mugetatik kanpo ez badaude, Palestinari lurraldeak emateak ez duela bakea ekarriko.

Benjamin Netanyahu Israelgo lehen ministroak esan du 1967ko mugak ezin direla aldarrikatu eta Barack Obama AEBetako presidenteari (bakerako oinarri gisa aurkeztu zituen atzo muga horiek) Israelen lurrak erretiratzearen kontrako konpromisoa berresteko eskatu dio.

Obamak estatubatuarrek 2004an Israeli hitz emandako konpromisoak berretsiko dituela espero du Netanyahuk, bi ganberetan babes osoa jaso zuten konpromisoak direlako. Besteak beste, 1967ko mugetara itzuli beharrik ez izatea aipatzen zen konpromiso horietan, izan ere, Judeako eta Samariako (Zisjordania) hiriguneak kanpoan geratuko lirateke, adierazi du Israelek agiri batean.

Konpromiso horietan azaltzen denez, Israelek Estatu judu gisa duen ongizatea bermatuko dute AEBek eta errefuxiatu palestinarrak etorkizuneko Estatu palestinarrean kokatuko dira, Israelen izan beharrean. Izan ere, errefuxiatu palestinarrak Israelgo mugetatik kanpo geratzen ez badira, lurraldeak emateak ez du bakea ekarriko.

Netanyahu Obamarekin bilduko da gaur AEBetan eta joan aurretik Obamak bakearekiko duen konpromisoa estimatzen duela azpimarratu du, baina argi utziz Estatu palestinarraren bideragarritasunak ezin duela Estatu juduaren bideragarritasuna kaltetu.



Informazio gehiago:Eitb: Netanyahuk dio ezin direla 67ko mugak aldarrikatu

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin