Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Neguko giroa nagusi igande honetan eta trumoi-ekaitzak kantaurialdean


2012-01-29 08:39

Elur maila 400-500 metrotan kokatuko da eta termometroak behera egingo du. Astelehenetik aurrera tenperaturek gora egingo dute eta euriak gutxituz joango dira.

Igande honetan negu gorriko giroa izango dugu hizpide, Euskalmet Euskal Meteorologia Agentziaren arabera. Prezipitazioa urria izango da, baina hotz handia egingo du eta 400-500 metrotik gora elur-zaparradak botako ditu: hori dela eta, gaurko ordaindik ere elurragatik abisu horia mantendu dute.

Hegoaldean zaparradak noizbehinkakoak eta txikiak izango dira, kantaurialdean sarriago eta indar handiagoz botako ditu; bertan baliteke txingorra eta trumoi-ekaitza ere izatea. Gauean atertuz joango da. Ipar/ipar-mendebaldeko haize hotzak giro ezatsegina sortuko du. Tenperatura maximoek behera egingo dute.

Astelehenean eguraldiak hobetzera egingo du eta ez da euririk espero. Goizean goiz zerua nahiko garbi egongo da eta haizea bare samar, lainoguneak sortzeko egoera aproposa. Arratsaldetik aurrera iparraldetik hodeiak etorriko zaizkigu baina momentuz ateri jarraituko du. Tenperatura minimoek behera egingo dute eta barnealdean izotza nonahi egingo du; maximoak, aldiz, epelagoak izango dira.

Asteartean lurralde osoan egongo da hodeitsu zerua, baina ipar-ekialdean baino ez du euririk egingo. Goizean hasiko da euria egiten, elur-kota 1000 metro inguruan dagoela. Arratsaldean zehar atertu egingo du. Tenperatura minimoek gora egingo dute eta izotza egiteko aukera txikiagoa izango da; maximoek ere epeltzera egingo dute.

Zuhurtziaz gidatzeko aholkua

Maila altuetan pilatutako elurra dela eta, zuhurtziaz gidatzeko aholkatu du Eusko Jaurlaritzako Herrizaingo Sailak, errepide nagusien sareko bi mendateetan eta bigarren mailako 11 errepideetan bereziki.

Herrera eta Urruñako mendateetan kateak erabili behar dira eta kamioiek Urruñatik hortik igarotzea debekatuta dute.

Etxegarate (Gipuzkoa) eta Barazar (Bizkaia) mendateetan gidatzeko izan daitezke, elurra eta lainoa dela eta. Bigarren mailako errepide sareari dagokionez, Gipuzkoako zazpi mendateetan kontu handiz gidatzeko gomendatu dute: Deskarga, Eizaga, Elosua, Mandubia, Otzaurte, Udana eta Urto.

Elurra



Informazio gehiago:Eitb: Neguko giroa nagusi igande honetan eta trumoi-ekaitzak kantaurialdean

149 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin