Negoziazio kolektiboko akordioen menpeko Euskal Autonomia Erkidegoko (EAE) biztanleriaren %64k hitzarmen luzatu edo iraungia zuen 2015. urtea amaitzean. Abenduan sektoreko negoziazio kolektiboak aurrerapen bakarra izan zuen, Bizkaiko ehungintzaren hitzarmena erregistratu baitzen, eta hitzarmen horrek 4.341 langileri ematen die babesa, Lan Harremanen Kontseiluaren (LHK) hileko txosten soziolaboralaren arabera.
