Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

NBEk ez du akordioa lortu Siriako jazarpena gaitzesteko


2011-04-27 07:37

Nazio Batuen idazkari nagusiak, baina, gaitzespen irmoa adierazi, eta konponbide baketsua bilatzeko dei egin du. Ehunka zibil hil dira azken asteetan jazarpenaren ondorioz.

NBEko Segurtasun Kontseilua ez da gauza izan Siriako agintariak manifestarien aurka egiten ari diren jazarpen basatia gaitzestea adosteko. Azken asteetan, ehunka zibil hil dira herrialde horretan, Segurtasun Indarren esku.

Ban Ki-moon NBEko idazkari nagusiak, baina, irmo gaitzetsi du Siriako eta beste hainbat herrialdetako (Yemen eta Libia, kasu) indarkeria, eta gatazkei konponbide baketsua ematea eskatu du.

Segurtasun Kontseiluko estatu kideek gaitzespen zirriborroa aztertu dute bart. Alemaniak, Frantziak, Erresuma Batuak eta Portugalek aurkeztu dute, baina AEBak ere alde agertu dira. Testu horretan, nazioarteko araudi humanitarioa, giza eskubideak eta prentsa eta adierazpen askatasunak errespetatu egin behar dituela gogorarazi diote Damaskori.

Errusiak eta Txinak zalantzak agertu dituzte. Biak Segurtasun Kontseiluko kide iraunkorrak dira, beto eskubidea dute, eta herrialdeen barne arazoetan esku hartzearen aurka agertu ohi dira.

Erreforma demokratikoak eske martxoan protestak hasi zirenetik, 400 pertsona baino gehiago hil dira Bashar Al-Assad agintariaren (45 urte, 2000tik boterean) jazarpenaren ondorioz, hainbat GKEk salatu dutenez.

Bere aldetik, Elmi Ahmed Duale Siriak NBEn duen enbaxadoreak ukatu egin ditu jazarpen akusazioak, eta Gobernuak manifestazio baketsuak babesten dituela gaineratu du. Halaber, herrialdean biktima zibil batzuk baino ez direla izan eta hildako guztiak, manifestariak zein segurtasun agenteak, martiriak direla adierazi du.



Informazio gehiago:Eitb: NBEk ez du akordioa lortu Siriako jazarpena gaitzesteko

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin