Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Narko corridoak debekatu dituzte Mexikon


2011-05-19 21:32

Sinaloako Gobernuak isun zorrotzak iragarri ditu onartu berri duen neurria beteko ez duten taberna, jatetxe eta dantzalekuen kontra.

Mexikon, Sinaloako gobernuak narko corridoak debekatu ditu toki publikoetan. Hau da, aurrerantzean ezingo izango dira entzun, kantau edo saldu droga trafikatzaileak goraipatuz idatzitako corridoak. Ez behintzat bertako taberna, jatetxe edo dantzalekutan. Agintariek isun eta zigor oso gogorrak iragarri dituzte neurriarekin bat egingo ez duten guztien kontra. Neurriak harridura sortu du Mexikoko iparraldean, bertan oihartzun handia baitute kanta horiek herritarren artean.

Sinaloako agintariek azaldu dutenez, erabaki honekin ekidin egin nahi dituzte dantzaleku eta tabernetan horren ohikoak diren liskarrak. Gogora ekarri dute joan den martxoaren 8an Mazatlan hirian jazotakoa. Egun horretan, talde bat Antares dantzalekura armatuta sartu eta tiroka hasi ziren bertan ziren guztien kontra. Erasoak sei hildako eta 20 zauritu utzi zituen tokian bertan.

?Gizartearen garapenari modu harmoniko batez bultzada emateko modu bat dugu hau, gizartaren kontrako jarrerak sustatzen dituzten tokiei oztopoak ipintzeko aukera, alegia?. Horixe esa ndu Bernardo Cardenas Soto, Ikuskaritza batzordeko zuzendari-ordeak.

Erabakiak hika-mika handiak sortu baditu ere, gobernu federalak bat egin du debekuarekin. Alejandro Poire Romero Segurtasun Nazionaleko Kabineteko bozeramaileak bere blogean idatzi du narko corridoek ?gaizkilerik gaiztoenak goraipatzen? dituztela, San Fenando hirian, Tamaulipas aldean, sarraski odoltsuaren erantzuleak, hain zuzen.

Agintari honen aburuz, musika mota hori debekatzea ?ez da zentsura, eztabaidan dagoena ez baita gai morala; legalitatea dago jokoan eta ezinbestekoa da indarkeriaren zein axolagabekeriaren kulturaren hedatzeari trabak ipintzea. Ezin dugu onartu, ez gobernu eta ez herri garen aldetik, gaizkileek kultura ere beraientzako hartzea, inpunitate osoz bere egitea, berezkoak dituzten jarrera odoltsuak zuritzeko, gure herriak dituen baloreak ahultzeko eta benetako segurtasuna lortzeko ezinbestekoa dugun legalitatearen kulturaren sorrera oztopatzeko?. Horixe idatzi du Poirek blogean.

Baina Mexikon guztiek ez dute debekua txalotu. Tomas Guevara sociólogo eta Sinaloako Unibertsitate Autonomoko (UAS) katedraduna kontra egin du. Droga trafikoa sakon aztertu du Guevarak, bai fenomenoa bera bai honek gazte mexikarrengan izan duen eragina. Bere hitzetan, debekuarekin ?agintariek lortu nahi dutenaren kontrakoa lortuko dute, ez besterik?.

?Frogatuta dago ez dagoela debekatuta dagoena baino gauzarik erakargarriagoa, eta gizarte psikologian ukapena deitzen dutena gerta daiteke aipatu neurriarekin. Beldur naiz debekuarekin ez ote duten sortuko jendearengan debekatu dutena ezagutzeko irrika. Uste dut gurutzada honek kutsu moralista duela zentzuzkoa baino gehiago, eta horixe da, hain zuzen, falta zaiona: zentzutasuna, alegia?, esan du.



Informazio gehiago:Eitb: Narko corridoak debekatu dituzte Mexikon

335 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin