Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Naoto Kan: Japoniako ezbeharrik handiena da II. Mundu Gerratik


2011-03-13 14:20

-Hiru zentral nuklear, Fukushima, Onagawa eta Tokai, alerta egoeran daude.

-Gobernuaren esanetan, erradiazio maila sabeleko hiru erradiografia egitea bezala da.

Japonia II. Mundu Gerratik izandako ezbeharrik handiena pairatzen ari dela adierazi du Naoto Kan Japoniako lehen ministroak.

Bitartean, adituen arabera, hurrengo asterako hainbat erreplika espero dituzte, batzuek zazpi graduko maila izan dezakete Richter eskalan.

Telebistan egindako agerraldian, Japoniak ezbeharrari nola egiten dion aurre oso garrantzitsua da, izan ere, etorkizuna erabat baldintzatuko du.

Hartutako lehen neurrietako bat, Tokyo Electric Power eta Tohoku Electric Power enpresei argindarra egunean hiru orduz mozteko baimena ematea izan da. Neurri hori astelehenetik indarrean izango da eta helburua lurrikarak eta tsunamiak kaltetutako eremuei argindarra bermatzea da.


Beste leherketa baten arriskua

Japoniako Gobernuak Fukushiman beste leherketa bat egon daitekeela iragarri du. Horrez gain, hiru dira dagoeneko hozte-sistema baten beharra duten erreaktoreak lurrikarak eragindako kalteen ondorioz. Onagawako eta Tokaiko zentraletan ere larrialdi egoera ezarri dute.

Yukio Edano ministro bozeramaileak adierazi duenez, Fukushimako 3. erreaktoreak hozteko arazoak ditu eta horrek nukleoa desitxuratu dezake. Erreaktoreak hozteko dituen arazoei erantzuteko, teknikariek lurruna kontrolpean botatzen eta ontzia itsasoko uraz eta azido borikoaz betetzen ari dira.

Erreaktorearen nukleoan gerta litekeen akats larrienetarikoa da fusioa; izan ere, nukleoan biltzen da erradiazio gehiena eta fusioak hori askatzea eragin lezake. Hala ere, Edanoren hitzetan, balizko leherketa batek ez lituzke kalte larririk sortuko, ezta huste berririk ere.


Sabeleko hiru erradiografia bezala

Fukushimako zentralaren erradiazio mailak 500 mikrosievertako baimendutako muga gainditu du eta, egun, 1.557 mikrosiervetera iritsi da Japoniako 13:52 orduan (04:52 Greenwicheko meridianoaren orduan).

Egungo mailak ez da osasunerako kaltegarria, Edanoren hitzetan. Gobernuaren esanetan, erradiazio maila sabeleko hiru erradiografia egitea bezala da.

Zentral



Informazio gehiago:Eitb: Naoto Kan: Japoniako ezbeharrik handiena da II. Mundu Gerratik

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin