Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

N-1 itxita dago Araban eta izotzak istripu ugari eragin du


2012-02-09 09:36

Kamioi batek istripua izan du gaur goizean Arrazua-Ubarrundian eta errepidea itxita dago. Gainera, izotza istripuak eragiten ari da Arabako eta Nafarroako errepide sare nagusian.

N-1 errepidea itxita dago Arrazua-Ubarrundia parean (Araba) kamioi batek izan duen istripu baten ondorioz. Bestalde, izotza istripuak eragiten ari da EAEko eta Nafarroako errepide sare nagusian.

Herrizaingo Sailak jakitera eman duenez, 07:20 aldera kamioi batek istripua izan du N-1 errepidean eta bidea erabat itxi behar izan dute. Hala ere, momentu horretan harrapatuta geratu diren autoak bazter batetik atera ahal izan dituzte.

Errepidearen egoera txarraren ondorioz hainbat istripu izan da, eta Arrazua-Ubarrundian bertan, bi autok elkar jo dute eta errei bat itxita dago.

N-1en bertan, Iruratz Gaunan, turismo bat irauli egin da eta hiru pertsona zaurituta geratu dira. Ezbeharraren ondorioz, errei bat itxi behar izan dute.

Gainera, Herrera, Opakua eta Orduña mendateek itxita jarraitzen dute.

Ertzaintzak tentuz gidatzeko deia egin du, izotza istripu ugari eragiten ari baita, Araban bereziki.

Nafarroa

Nafarroako errepide sareari dagokionez, ibilgailuen zirkulaziorako arazo nagusia izotza da. Nafarroako Gobernuak azaldu duenez, istripu ugari izan da Sakanako autobidean izotzaren ondorioz.

Elurrak



Informazio gehiago:Eitb: N-1 itxita dago Araban eta izotzak istripu ugari eragin du

148 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin