Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Munduko haur pornografia egiturarik handiena desegin du Europolek


2011-03-16 16:55

Europako polizia agentziak Internet bidezko haur pornografia eta pederastia sare handienaren kontrako operazioaren berri eman du. Guztira 670 susmagarri daude eta Europolek 184 atxilotu ditu jadanik.

Europoleko zuzendaria den Rob Wainwrightek adierazi duenez 670 pertsona susmagarri identifikatuak izan dira. Sarea 30 herrialde ezberdinetako pertsonek osatu dute, horien artean Espainia dago ere. Ikerketa poliziala aurrera doan heinean atxilotuen kopurua handitzea espero du Wainwrightek.

Gainera, 230 adingabeko autoritateen babespean daude eta horrek ?ikerketa mota hauetan babestutako biktima kopururik handiena? suposatzen du Europolen esanetan.

Europako polizia agentziaren ustetan, babespean dauden adingabeen kopurua ?datozen asteetan handituko da?.

?Erreskate Operazio? honek hiru urtetako ikerketa baten emaitza izan da eta Europolen koordinazioa izan du azken urte eta erdi honetan.

Sare honen barruan dauden herrialdeak, Europolek adierazi duenez, Espainia, Australia, Belgika, Kanada, Grezia, Islandia, Italia, Holanda, Zelanda Berria, Polonia, Rumania, Britania Handia eta Estatu Batuak dira.

Espainian, Guardia Zibilak zazpi pertsona atxilotu ditu eta beste bederatzi leporatu ditu pederastia sare honetan parte hartzeagatik.


Susmagarriek helduen eta gazteen arteko sexu harremanak bultzatzen zituen Boylover.net webguneko foroan parte hartzen zuten. Holandako zerbitzari informatiko batetik lan egiten zuten.
Holandako komunikabideen arabera, kasua susmagarri baten atxiloketaren ondorioz ezagutu zen 2009. urtearen amaieran. Susmagarria, 37 urteko holandarra, pederasten sare osoa kontrolatzen zuen eta materiala eta datuak trukatzen zituen. Amir I deitutako holandar honek Haarlem hirian epaitua izaten ari da.



Informazio gehiago:Eitb: Munduko haur pornografia egiturarik handiena desegin du Europolek

128 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin