Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mobiletik euskara ikasteko aplikazio bat sortu berri dute


2011-10-14 16:03

Aplikazioa duen programa internetetik deskargatzeko jarri dute www.moblang.eu orrialdean.

Euskara oinarrizko maila batean eta era dibertigarri batean ikasteko, mobilerako aplikazio berri bat sortu du Elhuyar Fundazioak.

Aplikazio hau Moblang ikerketa proiektuko parte da, eta Europar Batasuneko Kultura eta Hezkuntza Komisioaren babesean egin da. Txipreko Neurozientzia eta Teknologia Institutuak gidatu du ikerketa hau, eta Elhuyar Fundazioak eta Grezia eta Erresuma Batuko erakunde akademiko ezberdinek parte hartu dute.

Elhuyar Fundazioko zuzendari nagusia den Itziar Nogerasek, eta euskarazko sistema berri honen garapenaz arduratu den Danel Solabarretak programa berri hau aurkeztu dute Donostian eginiko prentsaurrekoan. Ekitaldian Yiannis Laouris ere izan da, proiektu europearra zuzendu duen Txipreko Institutuko zuzendaria.

Laourisek azaldu du moblang proiektua Mobile Assisted Language Learning (MALL) sisteman oinarritu dela, eta orain arte grekorako,albanierarako, turkierarako, gaelikorako eta euskararako egin dituztela aplikazio hauek.

Azken honetaz Elhuyar arduratu da, eta euskara ikasten ari direnentzat lagungarri izateko gidatu dute proiektua, Solabarrietak azaldu duenez.

2.000 hitz edo esaldi dituen sistema honen arduradunak argitu du aplikazioa erdaraz hitzegiten duten helduentzat zuzendua izan dela, eta euskara ikasteari zerotik edo ia hasten direnentzat eginiko sistema bat dela.

Erdara-euskara hiztegiaz gain, sistema berri honek imaginak eta audioak dituzten txartelak dakartza, eta horrez gain esaldi eta hitz solteak grabatzeko edota hiztegia, ulermena, entzumena, idatzizko zein ahozko adierazpena ...lantzeko joko interaktiboetan aritzeko aukera ematen du.

Programa moblang.eu web orrialdean egongo da dohain jaisteko, eta oraingoz Java exekutatzen eta microSD txartelak irakurtzen dituzten mobiletan erabili ahalko da. Dena dela, denbora gutxian Android eta Iphone terminaletan ere erabili ahalko den.

Los responsables de Elhuyar y del proyecto Moblang han anunciado la celebración de un seminario el próximo lunes en la Cámara de Comercio en San Sebastián sobre el aprendizaje a través de móvil y la educación del futuro, en el que está prevista la participación de la consejera de Educación del Gobierno Vasco, Isabel Celaá.

Elhuyareko eta Moblang proiektuko arduradunek erabilera azaltzeko mintegi bat antolatuko dute astelehenean Donostiko Komertzio Kamaran. Mintegi horretan Isabel Celaá Eusko Jaurlaritzako Hezkuntza Sailburuak  parte hartuko du.

EITB.COM



Informazio gehiago:Eitb: Mobiletik euskara ikasteko aplikazio bat sortu berri dute

158 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin