Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Miguel Buen: Ibilbide politiko luzea Ertzaintza gidatzeko


2011-06-08 09:25

17 urtez Errenteriako alkate izan zen, eta, egun Pasaiako Portuko presidentea da. Rodolfo Aresen bigarrena izango da Jaurlaritzako Herrizaingo Sailean.

Miguel Buen 1947ko urriak 14an jaio zen, Ardisan (Zaragoza). Ezkonduta dago eta hiru seme-alaba ditu. Alberto Buen, bere anaia, Irungo alkatea izan zen 19 urtez.

Miguel Buenek ibilbide politiko luzea egin du, nahiz eta eraikuntza metalikoetan Lanbide Heziketako ikasketak egin dituen.

Politika arloan aurreneko pausoak Errenteriako Eskola Batzordean eman zituen. Sortzaileetako bat izan zen, eta Batzordeko presidente ere izendatu zuten.

1983. urtean, PSEk Errenteriako hauteskundeak irabazi zituen, eta, legealdi horretan, Miguel Buenek Hezkuntza eta Zerbitzuetako zinegotzi lanak egin zituen.

Lau urte beranduago, 1987an, Errenteriako alkate izendatu zuten. 17 urtez, 2003ra bitartean, kargu horretan egongo da. Industrialdea herritik atera egin zuen, poligonoak kokatzeko lurzoruak erosi ondoren.

1991. eta 1995. urteetan hauteskundeak irabazi zituen berriro ere. Bere bigarren legealdian Errenteriako urbanizazioan indarrak jarri zituen. Hirugarrenean, berriz, herriko Zentro Kulturala martxan jarri zuen eta Fanderia auzoko babeseko etxebizitzak eraiki egin zituen.

1998. urtean Pasaiako Portuko presidentetzara heldu zen. Urtebete beranduago Errenteriako hauteskundeak irabazi zituen, laugarrenez.

2003. urtean Errenteriako alkatetzan azken legealdia hasi zuen. Urtebete beranduago Gipuzkoako PSEko idazkari orokor izendatu zuten, sozialisten gehiengoaren babesarekin (% 92,4). 2008ko maiatzera arte kargu horretan izango da.

2005etan Eusko Legebiltzarreko hauteskundeetara bere burua aurkeztu zuen, legebiltzarkide hautatu zuten, eta Ganberako presidenteorde izan zen 2007ra arte.

Urte horretan bertan, Foru hauteskundeetara aurkeztu eta irabazi egin zituen. Hala ere, Gobernutik kanpo gelditu zen, gainerako alderdien itunek bultzatuta. Gipuzkoako Batzar Nagusietako sozialisten bozeramailea izan zen.

2008an Madrilgo Kongresuko zerrendaburu izan zen. Madrilen eserlekua lortu eta talde sozialistako koordinadore izendatu zuten. Horrez gain, Zientzia eta Berrikuntza Batzordeko presidente izan zen.

Hala ere, eserlekua utzi eta Pasaiako Portuko presidentetzara bueltatu zen.

Interneteko bere atarian azaltzen duenez, familia gogoko duen gizona da Miguel Buen. Eleberri historikoak irakurtzen eta Hegoamerikako abeslariak eta musika klasikoa entzuten ditu.

Hondartzatik ibili edota perretxikotan joatea dira aisialdirako bere ekimen gogokoenak.



Informazio gehiago:Eitb: Miguel Buen: Ibilbide politiko luzea Ertzaintza gidatzeko

238 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin