Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Michael Martelly abeslaria izango da Haitiko presidentea


2011-04-05 12:02

Martxoaren 20ko hauteskundeen behin-behineko emaitzen arabera, Respuesta Campesina alderdiko hautagaiak botoen %67,57 jaso du. Behin betiko emaitzak halere, apirilaren 16an emango dituzte jakitera.

Michael Martelly abeslaria izango da Haitiko datorren presidentea, gaur zabaldu dituzten presidentetzarako hauteskundeen bigarren itzuliko emaitzen arabera. Azken urteetan Karibeko herrialde behartsuan ezegonkortasun politikoa da nagusi eta egoera hori areagotu egin dute hondamendi naturalek.

Martellyk, Sweet Micky izenez ezaguna, botoen %67,57 lortu du pasa den martxoaren 20an egin ziren hauteskundeetan, gaur jakinarazi dituzten behin-behineko emaitzen arabera. Lehenengo itzulian lehen postuan gelditu zenak, Mirlande Manigat intelektualak, berriz, botoen %31,74 eskuratu du.

Hauteskundeetako emaitzak jakinarazi ondoren, eta beti ere apirilaren 16ko behin betiko emaitzen zain, Kiskeya irrati-etxearen arabera, Martellyk garaipen hau herriarena dela ziurtatu du.

Dena ondo bidean, Formación Campesina alderdiko hautagaiak René Préval ordezkatuko du datorren maiatzean; Haitin bost urteko bi legealdi presidentetzan bete dituen demokraziako presidente bakarra da Préval.

Behin-behineko emaitzak jakindakoan, Puerto Principe hiriburuko hainbat auzotan poza lehertu da; tiroak entzun dira eta su artifizialak bota dituzte abeslariaren garaipena ospatzeko. Milaka lagun atera dira kalera; horien artean asko kolore arrosa zuten kamisetak jantzita, Martellyk hauteskunde kanpainan erabilitako kolorea goraipatuz.

Manifestari askok, presidente berriaren argazkiak eskuan, poza adierazteko oihuak egin dituzte Champ de Mars plazara zihoazela; han dago Presidentearen Jauregia, egun, ia erorita dago 2010eko lurrikara dela-eta. Era berean, manifestariek Martellyri orain arteko presidentea epaitzeko eskatu diote, haitiarren artean, eta batez ere lurrikararen ostean kanpamentuetan bizi diren 850.000 lagunen artean sortu duen miseriagatik.

Hauteskunde prozesuaren amaiera honekin, Haitiren erreraikuntza hastea espero dute 2010eko urtarrilaren 12an lurrikararekin samindu ostean; 316.000 hildako egon ziren, 300.000 zauritu baino gehiago eta 1.5 milioi kaltetu; horietatik asko oraindik egoera tamalgarrian daude.




Informazio gehiago:Eitb: Michael Martelly abeslaria izango da Haitiko presidentea

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin