Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mexikoko bioteknologia multinazional bat Araban arituko da


2011-03-23 13:32

Atzerriko enpresak erakartzeko Invest in the Basque Country ekimenaren lehen emaitza da, Patxi Lopez lehendakariaren hitzetan.

Mexikoko bioteknologia multinazional bat Arabako Miñao Parkean arituko da, gaur Patxi Lopez lehendakariak iragarri duenez. Atzerriko enpresak erakartzeko Invest in the Basque Country ekimenaren lehen emaitza da, Lopezen hitzetan.

Mexikoko Cecype enpresa laster ezarriko da Araban, eta 30 lanpostu sortuko ditu hemendik eta hiru urtera.

SPRI sozietateak kudeatuko du Invest in the Basque Country ekimen berria. Egitura honek atzerriko enpresak erakartzeko helburua izango du, baita Euskal Autonomia Erkidegoan dauden atzerriko 400 enpresak zaintzea ere.

Izan ere, 400 bat enpresek Euskadik ekoizpen, banaketa edo logística egoitza hartuta dute. Orain arte modu sakabanatuan egon dira, baina Invest in the Basque Country ekimenari esker, eta enpresen eskariz, lehiatila egonkor bat izango dute, Industria Sailak kudeatuta.

Lehendakariak egitasmoaren lehen ekarpena aurreratu du gaur, Bilbon. SPRIk urtebete darama Cecype enpresaren ordezkariekin hizketan eta, orain, Miñaoko Parkean egon ahal izateko prozesua hasi da.

Lopezen ustez, atzerriko inbertsioen atzematea hobetu egin behar da Euskadin. Invest in the Basque Country horretarako sortu dutela nabarmendu du: Euskadira atzerriko inbertsioa eta talentuak erakartzeko. Euskadin dauden atzerriko enpresei kalitatezko arreta emateko helburua ere badu egitasmo berriak.

Azken hilabeteetan egin dituen bidaia ofizialen garrantzia azpimarratu du Patxi Lopezek (Brasilen, Txina, AEBetan, Arabiar Herrietan edo Qatar-en egon da).

src=http://www.eitb.com/multimedia/images/2011/03/23/443523/443523_patxilopez_detalle_1.jpg/



Informazio gehiago:Eitb: Mexikoko bioteknologia multinazional bat Araban arituko da

104 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin