Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Metro Bilbaoko langileen %90ek egin dute greba, sindikatuen arabera


2012-02-09 11:19

Lanuzte hauek bat etorri dira denboran sindikatu abertzaleek sektore publikoan deitutako lau orduko grebarekin.

Metro Bilbaoko greba batzordeak esan du gaurko deitutako bi orduko lehen lanuztearen jarraipena % 90ekoa izan dela.

Batzordearen esanetan, ia langile guztiek egin dute bat 07:30etik 09:30era egindako lehen lanuztean, % 30eko gutxieneko zerbitzuak izan ezik.

Nolanahi ere, zuzendaritzak esan du lanegun arrunt baten zerbitzuen % 55 eskaini dituztela.

Portzentaje ezberdintasun horren harira, sindikatuek salatu dute zuzendaritzak ibilbidea bukatzera behartu dituztela 07:30 baino lehen ateratako zerbitzuak, eta 09:00etatik beste zortzi zerbitzu abiatu dituela.

Neurri horiekin, gainditu egin dituzte gutxieneko zerbitzuak, kritikatu dute.

Metro Bilbaoko enpresa batzordea azarotik ari da lanuzteak deitzen, mantenimendu esparruko berregituraketan, Gabon-gaueko zerbitzuan, lantaldea handitzeko akordioan eta ordezkapenetan desadostasunak edota urrapenak daudela iritzita.

Hain justu, lanuzte hauek bat etorri dira denboran sindikatu abertzaleek sektore publikoan deitutako lau orduko grebarekin. Ondorioz, EuskoTren eta Renfen ere lanuzteak daude.

Metro Bilbaok hilaren 14an eta 16an eta martxoaren 1ean ere egingo du greba.



Informazio gehiago:Eitb: Metro Bilbaoko langileen %90ek egin dute greba, sindikatuen arabera

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin