Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Metro Bilbaok zerbitzuaren % 30 eskainiko du gaurko lanuztean


2012-01-12 07:06

ELA, CIM, UGT, LAB eta ESK sindikatuek lanuztea deitu dute gaurko 05:45 eta 07:45 artean. Atzo mobilizazioak iragarri zituzten otsailerako eta datorren asteko manifestazioari eusten diote.

Metro Bilbaok zerbitzuaren % 30 eskainiko du ELA, CIM, UGT, LAB eta ESK sindikatuek deituta 05:45 eta 07:45 artean egingo duten lanuztean.

Metroak jakitera eman duenez, lanuztea amaituta, egun osoko zerbitzua lanegunetan eskaintzen duten ohiko zerbitzuaren parekoa izango da.

Metro Bilbaoko langileek protesta egin zuten iragan asteartean Bizkaiko Aldundiaren parean eta langileen eta zuzendaritzaren ordezkariek bilera egin behar dutela aldarrikatu zuten, gehiegi luzatzen ari den gatazkaren arrazoiak aztertzeko. Era berean, urtarrilean konpontzen ez bada, otsailerako mobilizazio egutegia osatuko dutela jakinarazi zuten atzo.

Manifestazioa

Metro Bilbaoko langileek asanbladak egin dituzte asteazken honetan datorren hilaren 19ko manifestazioa berresteko. Ildo horretan, otsailetik aurrera mobilizazioak areagotuko dituztela iragarri dute.

Europa Press albiste agentziari egindako adierazpenetan, sindikatuko iturriek esan dute Itziar Garamendi Garraio diputatuarekin bilduko direla. Halaber, Jose Luis Bilbao aldun nagusiarekin biltzeko eta beren aldarrikapenak azaltzeko prest daudela esan dute.

Greba batzordeak elkarretaratzea egingo du datorren asteartean Bizkaiko Batzar Nagusietako egoitzaren aurrean, Bilbon. Bertan, alderdi politiko guztiei bidalitako informazioa emango diote Garamendiri. Orduan, bilerak egiteko aukera aurkeztuko dizkiete.

Datorren astelehenean, 9:30ean Metro Bilbaoko zuzendaritza eta sindikatuak bilduko dira, bi gai nagusi jorratzeko: lan-gatazka, eta soldata izozteko Errege Dekretuaren ezarpena.

Greba



Informazio gehiago:Eitb: Metro Bilbaok zerbitzuaren % 30 eskainiko du gaurko lanuztean

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin