Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Merkelek Sarkozy jasoko du gaur Tobin tasaren polemikaren erdian


2012-01-09 07:24

Bi buruzagiak ez daude ados, izan ere, finantza transakzioen gaineko zerga gainerako estatuei itxaron gabe, alde bakarrez ezartzea ari da aztertzen Frantziako Gobernua.

Gabonetako oporren ondoren lehendabiziko harremana izango dute gaur Nicolas Sarkozy Frantziako presidenteak eta Angela Merkel Alemaniako kantzilerrak Berlinen, 11:30ean.

Europako Kontseiluak hil honen 30ean onartzekoa duen itun berriaren oinarriak osatzen segitzeko bilera izango da, baina hizpide nagusien artean Tobin tasa deitutakoa izango dute, finantza transakzioei ezarri nahi zaien tasa.

Herrialde batetik bestera egiten diren epe motzerako diru-mugimendu handiak oztopatzeko tasa da Tobin delakoa. Espekulazioa geldiarazteko neurria dela esaten dute adituek.

Europan tasa hori ezartzeko Euroguneko herrialde guztiek ados egon beharko lukete, baina ez dago adostasunik. Mutur batean Frantzia dago, baldintzarik gabe tasa ezarri nahi duena eta Europan adostasunik lortuko ez balitz ere, Sarkozy neurri hori hartzeko prest agertu da.

Alemania ere alde dago, baina beti ere adostasuna baldin badago. Kontrako muturrean, aldiz, Britainia Handia dago. Europan Tobin tasa ezartzearen kontra dago, mundu osoan hala egiten ez bada Europa galtzaile aterako delakoan.

Parisen eta Berlinen arteko beste desadostasunetako bat Europako Banku Zentralaren inguruan sortzen da, zorraren krisiaren aurrean nola jokatu beharko lukeen eztabaidatzen ari baitira.

Sarkozyren ondoren, Merkelek Monti Italiako lehen ministroa jasoko du, aurrera eraman beharreko murrizketez hitz egiteko. Gainera, urtarrilaren 20an goi-bilera txikia egingo dute Sarkozyk, Merkelek eta Montik Erroman, urtarrilaren 30ean onartu behar den itun berrira begira.

Europako



Informazio gehiago:Eitb: Merkelek Sarkozy jasoko du gaur Tobin tasaren polemikaren erdian

49 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin