Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mercedesek % 10 murriztu beharko du pertsonaleko gastua VS20a lortzeko


2011-06-09 08:46

Gasteizko fabrikaren zuzendaria Mercedes-Benzeko zuzendariordearekin bildu zen Alemanian eta baldintza horixe jarri zion furgoneta berriaren fabrikazioa Arabara eramateko.

Gasteizko Mercedes-Benz fabrikak % 10 murriztu beharko du pertsonalak sortzen dituen gastuak VS20 furgoneta berriaren ekoizpena bere gain hartu nahi badu, Emilio Titos fabrikako zuzendariak jakitera eman duenez.

Titos Bernabe Unda Industria sailburuarekin izan da Daimler-Mercedesen egoitza nagusian, Sttutgarten (Alemania), eta bertan Vans Volker Mornhinweg enpresaren presidenteordearekin bildu dira.

Gasteizko fabrikaren zuzendariak azaldu duenez, langileei dagoeneko esan diete, gardentasun osoz, aipatu murrizketa egin beharko duela pertsonaleko gastuetan, eta ikusiko dutela nola egin.

Arabako lantegiaren etorkizuna, % 100ean, VS20 furgonetaren mende dagoela azpimarratu du Titosek. 2012an hasiko dira ibilgailua ekoizten eta Gasteiz da ardura hori hartzeko hautagai nagusietako bat.

Pertsonaleko % 10eko murrizketaz gain, zuzendariak azaldu du energia kontsumoa ere jaitsi beharko dela.

Unda sailburuak, Eusko Jaurlaritzaren izenean, Gasteizko fabrikaren garrantzia soziala azpimarratu omen die Mercedeseko agintariei, eta ardurarekin jokatzea eskatu diete bai langileei bai enpresariei.



Informazio gehiago:Eitb: Mercedesek % 10 murriztu beharko du pertsonaleko gastua VS20a lortzeko

81 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin