Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mercedes Benzek Gasteizko lantegi berriaren obrak geldiarazi ditu


2011-06-14 14:59

Lantegi berri hura VS20 furgoneta berria ekoiztera zihoan. Obrak bertan behera geratu dira zuzendaritza eta ordezkari sindikalek akordio batera heldu ez direlako.

Mercedes Benzeko Gasteizko lantegiaren zuzendaritzak iragarri duenez, uda honetan hastear ziren lantegi berriaren obrak bertan behera geratu dira, sindikatuekin akordioa lortu ez dutelako. Lantegi gasteiztar honek VS20 furgoneta ekoiztuko du.

Astearte goizean zuzendaritza eta enpresa batzordea bildu dira, ibilgailu berri honen ekoizpenerako Daimler-Mercedes Sttugarteko zentralak jarritako baldintzei buruz akordio batera heltzeko asmoz. Exijitutako baldintzen artean, soldatak % 10 jaistea dago, lantegi berri horren bizi-iraunkortasuna bermatzeko. Izan ere, horren menpean dago furgoneta hura ekoizteko aukera.

Bilera egin ostean, negoziazioa apurtu izana leporatu dio enpresa batzordeak zuzendaritzari. Jose Antonio Moreno enpresa batzordearen presidenteak azaldu duenez, zuzendaritzak baldintza berdinak mantendu ditu hasieratik eta bere iritziari eutsi dio.

Hala ere, Gasteizko zuzendaritzak azpimarratu duenez, sindikatuekin negoziatzen jarraitzeko asmoa du eta Gasteizko lantegi berrian VS20 furgoneta oraindik ere ekoiztea bilatuko duela. Ibilgailu berri honen ekoizpena 2014rako aurreikusi dute.

Iturri berdinek azaldu dutenez, Gasteizko lantegiak gutxienez bi urte behar izango ditu behar diren obrak egiteko. Hori dela eta, sindikatuekin akordio batera heltzeko epea mugatua da.

Zuzendaritzaren proposamenekin bat egitea irtenbide bakarra izatea errefusatu du langileen ordezkaritzak. Ondorioz, datorren ostegunerako batzorde orokorrerako deialdia egin die langileei.

Mercedes



Informazio gehiago:Eitb: Mercedes Benzek Gasteizko lantegi berriaren obrak geldiarazi ditu

104 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin