Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

MegaUpload: Zer da eta zer alternatiba daude?


2012-01-20 12:07

Webguneak deskarga zuzenen aroa ireki zuten, eta Interneteko hodeiaren aitzindaria izan da.


MegaUpload, ostegun honetan FBIk itxi duen webgunea, Interneten deskarga zuzenen aroa inauguratu eta errotu zuen biltegi-zerbitzua da.

Webgune hori sortu zen arte, artxiboak P2P sareen bidez (eMule, kasu) banatzen ziren. Megaupload, baina, Interneteko hodeiaren lehen aurrekaria izan da.

Beste era batean azalduta: P2P sareen bidez, artxiboak erabiltzailetik erabiltzailera banatzen ziren, baina Megauploadekin, artxiboak webgune batean igota zeuden. Alde onak? Artxiboak noiznahi deskargatu zitezkeela (eMulerekin, artxiboa partekatu duen erabiltzaileak konektatuta egon behar du), eta jaitsiera abiadura handiagoa zela.

Izan ere, MegaUpload hori baino ez zen, biltegi handi bat, erabiltzaileek edozein motatako artxiboak gorde eta partekatzeko. Filmak izan litezke, edo argazki-bildumak.

Nolanahi ere, agintariek pirateria sare bateko kideak izatea eta egile-eskubideei 500 milioi dolarreko kalteak egin izana egotzi diete webguneko arduradunei,

MegaUploadek Hong Kongen zuen egoitza, eta sareko artxibo-biltegi handiena zen. Zifrak ikusgarriak ziren: 150 milioi erabiltzaile harpidetu baino gehiago, 50 milioi bisita egunean eta Internet osoko trafikoaren % 4.

Itxieraren ondorioz, milioika pertsonak bertan gorde zituzten edukiak galdu egingo dituzte, eduki horiek zilegiak izan edo ez izan.
Gainera, MegaUploadeko edukietara estekak dituzten deskarga webguneek ere ondorioak pairatuko dituzte.

Dena dela, Interneten badaude MegaUploaden zerbitzu bera eskaintzen duten beste hainbat webgune, hala nola MediaFire, RapidShare, HotFile eta DepositFiles. P2P sareei dagokienez, BitTorrent eta eMule dira erabilienak.

MegaUpload



Informazio gehiago:Eitb: MegaUpload: Zer da eta zer alternatiba daude?

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin