Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Marokok ezin du sahararren arrantza saldu


2011-12-15 11:27

Europako Parlamentuak ez du onartzen Marruekosek Sahara Mendebaldeko itsas aldea negozioa egiteko erabiltzea. Erabaki hau, garaipen diplomatiko garrantzitsua da Fronte Polisarioarentzat.

Europako Parlamentuak galarazi egin du Europar Batasunak Marokorekin zuen arrantza-akordioa luzatzea. Hiru arrazoiengatik esan dio ezetz luzapenari: arrazoi ekonomikoak, Europar Batasunarentzat garesti ateratzen delako akordioa; arrazoi ekologikoak, ur haietan arrantza neurriz kanpo egiten ari direlako; eta arrazoi politikoak, herri sahararrak arrantza horri ez diolako errentarik ateratzen.

Alegia, Europako Parlamentuak ez du onartzen Sahara Mendebaldeko itsas aldea negozioa egiteko erabiltzerik. Hau oso garaipen diplomatiko garrantzitsua da Fronte Polisarioarentzat. Erakunde hau beti kexatu izan da arrantza ontzi europarrak bere uretan ibili eta Marokori ordaintzen ziotelako.

Europako Parlamentuaren erabakiak kalterik handiena Andaluziako eta Kanarietako ontziek jasango dute, Portugalgoekin batera. Arrantza-akordioa Europar Batzordeak negoziatu zuen, eta luzapenaren aldekoa zen. Halaber, gobernu europarrak ados zeuden akordioa luzatzearekin.

Baina, orain 2 urte, Lisboako Ituna indarrean jarri zenetik, Europako Parlamentuak eskumen gehiago ditu, besteak beste, nazioarteko akordioak onartzekoa. Eta kasu honetan erabili du bere ahalmen berria. Honek beste akordio bat negoziatu beharra ekarriko du Marokoren eta Europar Batasunaren artean, aurrekoa ez baitago luzatzerik.

Jesus



Informazio gehiago:Eitb: Marokok ezin du sahararren arrantza saldu

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin