Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Markel Olanok agerraldia egin beharko du, Bidegiko kontuak argitzeko


2012-02-21 14:36

Gipuzkoako zenbait obratan kudeatzea okerra izan zela eta esleipen batzuk gaizki egin zirela eta orain Herri Kontuen Euskal Epaitegiaren txostenak bere salaketari indarra eman diola uste du Bilduk.

Markel Olano Gipuzkoako ahaldun nagusi izandakoak agerraldia egin beharko du Bideko Azpiegitura eta Mugikortasun Batzordean, Bilduk hala eskatuta, Gipuzkoako Diputazioak egindako zenbait obratako aurrekontuetan antzemandako desfaseak argitzeko.

Markel Olanoz gain, Eneko Goia Bideko Azpiegitura diputatu ohiak eta Borja Jauregi Bidegiko zuzendari nagusi izandakoak ere eman beharko dituzte azalpenak.

Idoia Ormazabal, Iban Asenjo eta Enrique Martinez Bilduko batzarkideek prentsaurrekoa eskaini dute Donostian, joan den ostiralean Herri Kontuen Euskal Epaitegiak ezagutarazitako txosten batek 2009an Gipuzkoan egin ziren zenbait obraren esleipenak gaizki zeudela baieztatu ostean.

Txosten horrek agerian utzi du kudeatze okerra egin zela, desfaseak daudela eta obra batzuen esleipenetan anomaliak egon badaudela, nabarmendu du Asenjok.

Titular eta adierazpen deigarriak albo batean utzita, egoera horren erantzuleak azalpenak eman behar dituzte gipuzkoar guztiok ordezkatzen gaituen ganberan, erantsi dute.

Gauzak horrela, Markel Olano, Eneko Goia eta Borja Jauregiren agerraldia eskatu dute, gain honen inguruko xehetasun guztiak argitu ditzaten.

Azkenik, EAJri ausardia eskatu diote, Bidegiren inguruan egindako kudeatze guztiak zehatz-mehatz eta inolako beldurrik gabe azaltzeko.

Markel



Informazio gehiago:Eitb: Markel Olanok agerraldia egin beharko du, Bidegiko kontuak argitzeko

57 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin