Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mario Montik Gobernu teknikoa osatuko du, ekonomia onbideratzeko


2011-11-14 07:46

Baliteke gaur bertan iragartzea Gobernuko kideak. Begiradak burtsek emango duten erantzunaren zain daude.

Mario Monti Italiako lehen ministro berriak adierazi du lehenbailehen espero duela Gobernua osatzea, ekonomia onbideratu eta hazkundearen bidea abiatzeko.

Giorgio Napolitano Errepublikako presidenteak Silvio Berlusconiren ordez Gobernua osatzea eskatu eta minutu gutxira egin ditu adierazpenak Montik

Italiak ekonomia onbideratu eta hazkundearen bidea abiatu behar du. Gure seme-alabei etorkizun duina eta itxaropena zor diegu, esan du hedabideen aurrean egindako lehen agerraldian.

Lehen ministro teknokratak gaineratu du erreskatearen mehatxua gainditu beharra dagoela, eta Italia Europar Batasuneko protagonistetako bat izan behar dela berriz.

Baliteke gaur iragartzea Gobernuko kideak

Montik ez du zehaztu noiz jakinaraziko dituen bere Gobernuko kideak, baina herrialde horretako hedabideen esanetan, baliteke gaur bertan egitea.

Haren proposamena Kongresuak eta Senatuak onartu beharko dute. Prozesu osoa ostegunean egon liteke amaituta.

Berlusconik ez du utziko politika

Bestalde, Silvio Berlusconi lehen ministro ohiak azaldu du erantzukizuna dela eta aurkeztu duela dimisioa, baina politikan jarraituko duela ohartarazi du.

Espekulatzaileen beste eraso bat galarazteko dimititu dut, baina Parlamentuak ez dit inoiz kendu konfiantza, nabarmendu du.

Mario



Informazio gehiago:Eitb: Mario Montik Gobernu teknikoa osatuko du, ekonomia onbideratzeko

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin