Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Mariano Rajoy presidentearen lehen neurriak


2011-11-21 13:29

Gobernuaren lehen 100 egunetan, lan merkatuaren eta finantza sistemaren erreformak, ekintzaileen aldeko legea eta zorroztasun plan bat aurkeztuko dituela iragarri du Rajoyk.

Mariano Rajoy PPko presidente eta hauteskunde orokorretako irabazleak Aurrekontua izan nahi du 2012ko martxoa baino lehen. Hori izango da, hain zuzen ere, agintea hartu eta gero onartu beharko duen lehen gauzetakoa. Halaber, lan merkatuaren eta finantza sistemaren erreformek eta ekintzaileen aldeko lege berriak ere izango dute lehentasuna.

Hedabideetan egindako azken elkarrizketetan, Rajoyk azaldu du bere Gobernuaren lehen helburua administrazio publikoei gastu muga jartzeko PSOErekin adostutako akordioa garatzea izango dela.

Hauteskundeetako irabazlearen ustez, aurrekontuen egonkortasun lege hori ezinbestekoa da Europak jakin dezan Espainiako Gobernuak gauzak ondo egingo dituela, eta Bruselak ezarritako defizit helburuak beteko dituela.

Ministro guztiek karguaren zina egin eta gero, Gobernu bilerak aztertuko duen lehen gauza Estatuko Aurrekontuak 2012ra luzatzea izango da.

Kanpainian hartutako konpromisoetako bat pentsiodunek erosteko ahalmena ez galtzea da eta, beraz, Rajoyk ez lituzke berriz izoztu beharko pentsioak, Gobernu sozialistak 2011ko urtarrilean egin bezala.

Soraya Saenz de Santamaria PPko bozeramaileak esan zuen PPk gaurkotu egingo dituela pentsioak 2012 urtarrilaren 1ean, baina Alvaro Nadal PPko Ekonomia idazkariak argitu zuen Espainiak subiranotasun ekonomikoari eusten badio baino ez dutela egingo.

Lehen legeak, 2012an

Popularrek aspalditik daramatzate krisiari aurre egiteko balizko neurriak aztertzen, baina alderdiaren iturriek zehaztu dute ezin izango dutela lege-proiekturik aurkeztu urtea bukatu baino lehen, Estatuko makineria osoa abian egotea beharrezkoa baita.

Besteak beste, Estatu idazkari eta idazkariorde guztiak karguaz jabetu izana behar da. Seguru aski, Ministroen Kontseiluak abenduaren 23an egingo du lehen bilera.

Rajoyk iragarri duenez, Gobernuko lehen 100 egunetan zorroztasun plan bat, ekintzaileak babesteko legea eta lan merkatuaren eta finantza sistemaren erreformak aurkeztuko ditu.

Kanpainan, hurrengo presidenteak ez du azalpen askorik eman. Izan ere, bere hitzetan, ez zuen beteko ez duen iragarpenik egin kontu publikoen egoera ezagutu arte.

Gobernu



Informazio gehiago:Eitb: Mariano Rajoy presidentearen lehen neurriak

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin