Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Maria Bayo sopranoak Eusko Ikaskuntza-Euskadiko Kutxa saria jaso du


2011-11-25 21:30

Bere ibilbide artistiko eta kultural luzea, bere lanaren unibertsaltasuna eta bere gizatasuna hartu ditu kontuan epaimahaiak. Sari hau lortzen duen bigarren emakumea da Bayo.

Maria Bayo soprano nafarrak Eusko Ikaskuntza-Euskadiko Kutxa saria jaso du ostiral honetan, Humanitate, Kultura, Arte eta Gizarte Zientzien sailean. Sari hau eskuratzen duen bigarren emakumea da Bayo, 2006an Maite Lafourcade lapurtar irakasleak irabazi baitzuen. Joxerramon Bengoetxea, Javier Elzo, Daniel Innerarity eta Gregorio Monreal dira berriki saria lortu dutenetako batzuk.

Epaimahaiak aho batez hartu du Bayo saritzeko erabakia, eta bere ibilbide artistiko eta kultural luzea, bere lanaren unibertsaltasuna eta bere gizatasuna hartu ditu kontuan. Bayoren lanaren unibertsaltasuna eta, aldi berean, Nafarroako bere oinarrietara itzultzeko gaitasuna azpimarratu ditu epaimahaiak. Era berean, musikarako eta bere lanbiderako grina ere izan du hizpide epaimahaiak. Aipamen berezia egin diote Bayoren ibilbideari, eta mundu osoko eszenatoki garrantzitsuenetan egon izanari.

María Bayo 1958ko maiatzaren 28an jaio zen, Fiteron. Musika ikasketak Iruñeko Pablo Sarasate kontserbatorioan egin zituen, eta, gerora, Hochschule Für Musik Westfalen Lippe en Detmold zentroan (Alemania) ere ikasi zuen. Europako, Ameriketako eta Asiako hainbat herrialdetan abestu du Bayok, eta ihiko artista dugu munduko eszenatoki nagusienetan. 35 lan ditu kalean, eta aipatzekoa da musika ondarea berreskuratzeko egin duen lana. Arambarri, Guridi eta Canteloube handien lanetan oinarrituta, euskarazko abestiak ere grabatu ditu. Jakiunde Zientzien, Arteen eta Letren Akademiako kide da Bayo, eta Vianako Printzearen Saria ere irabazi du.

Maria



Informazio gehiago:Eitb: Maria Bayo sopranoak Eusko Ikaskuntza-Euskadiko Kutxa saria jaso du

99 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin