Akordioa legegintzako ganberara eramango du Greziak martxoaren 15a baino lehen, eta ondoren, hauteskundeak dietuko ditu.
130.000 milioi euroko mailegu berria ezartzeko legedi berria Parlamentuan balioztatuko du Greziak martxoaren 15a baino lehen, eta ondoren, hauteskundeak deituko dituztela esan du Greziako Gobernuak.
Parlamentuak maileguaren akordioa balioztatzen duenean, hauteskunde deialdia egiteko garaia izango da, esan du Lukas Papadimos lehen ministroak Atenasen eman duen prentsaurrekoan.
Bart Bruselarekin lortutako akordioa historikoa dela esan du Papadimosek eta martxoaren 15a baino lehen legegintzako ganberara eramagngo dutela berretsi du.
Pantelis Kapsis Gobernuko bozeramaileak esan du Gobernuko lehentasuna akordioa osatzea dela, horregatik, hauteskunde orokorren inguruko datarik ez emateko eskatu die komunikabideei, aldatu daitezkeelako.
