Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Madrilgo Puerta del Soleko suminduen eskakizun zerrenda


2011-05-31 07:07

Azken orduotan testu bat onartu dute zortzi eskakizunekin. Parte-hartzearekin, zergekin, langabeziarekin eta ongizatearekin lotutako hainbat proposamen egin dituzte.Madrilgo Puerta del Soleko ?suminduek? azken orduotan onartu eta, aldi berean, egiten dituzten eskaerak. Besteak beste, politikariek dituzten onura bereziak kentzea, enplegua sortzeko ekimenak... edota Senatuaren moduko erakundeak desegitea proposatu dute:

- Politikariek dituzten onura bereziak, zerga ordainketa, soldata, pentsio eta kotizazioan aldaketa eskatzen dute. Aldi berean, hautetsiak euren lanpostuetan direla, Senatuan, Kongresuan edo dagokien erakundean, parte hartzen dutela ziurtatzea eskatu dute. Karguarekin lotuta dagoen inmunitate parlamentarioa ezabatzea eta politikari guztien ondarea jakinaraztea ere aldarrikatu dute.

- Langabezia % 5etik beherakoa izatea eskatzen du Maiatzak 15 mugimenduak, eta hori lortzeko honako proposamenak egin dituzte: lanaren banaketa lan ordu murriztuak bultzatuz, erretiro-adina 65 urtetan jartzea, eta langabezia saria agortuta duten langabetuentzako 426 euroko diru-laguntza berriro ezartzea.

- Etxebizitza eskubidea.

- Kalitatezko zerbitzu publikoak.

- Banketxeen erabateko kontrola.

- Aldaketak zerga politikan, gehien dutenek zerga handiagoak ordain ditzaten.

- Gastu militarraren murrizketa.

- Demokrazia parte-hartzailea. Azken atal horretan, Sinde Legea bertan behera uztea, herritarrentzat aldaketa handiak ekarriko dituzten erabakiak hartu aurretik hauek erreferendum bidez onartzea, Europar Batasunak ezartzen dituen neurriak indarrean jarri aurretik herri-galdeketetan onartzea, hauteskunde-legearen aldaketa eta botere judizialari begira Fiskaltzaren erreforma eta Auzitegi Konstituzionalaren eta Botere Judizialaren Kontseilu Nagusiko epaileak Gobernuak ez ditzala aukeratu.

Puerta



Informazio gehiago:Eitb: Madrilgo Puerta del Soleko suminduen eskakizun zerrenda

115 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin