Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Madonna eta Polanski, protagonista Veneziako Mostran


2011-09-02 08:48

Abeslari ezagunak W.E. bere bigarren lana aurkeztu du, lehiaketaz kanpo. Sail Ofizialean, berriz, Polanskiren Carnage lana izan da proposamena.

Madonna abeslari estatubatuarra Veneziako Mostran izan da, zuzendari gisa egin duen W.E. bere bigarren lana lehiaketaz kanpo aurkezteko. Emakumeen askatasunaren aldeko lana egin du oraingoan Poparen Erreginak, Wallis Simpson emakume estatubatuarraren eta Eduardo VIII.a erregearen arteko maitasun istorio oinarri hartuta. 1936an erregetza utzi zuen azken honek, maitasun horren alde.

Madonnak zuzendutako azken lan honetan XX. mende hasierako Ingalaterratik egungo New York hirira egingo dugu etengabe salto, aldi berean bi istorio ezagutzeko: Wallisen eta Eduardoren arteko maitasun istorioa alde batetik eta New Yorkeko neska gazte baten istorio bestetik. Emakumeen borrokaren isla izango da azken hau ere.

Simpsonekin identifikatzen naiz. Pertsonak famatu egin edo ikono bihurtzen dira, eta soinu bakar batera mugatzen dituzte. Gero horri hainbat gauza egozten dizkiote. Bere garaian ez zuten Wallis Simpson ulertu, esan du abeslariak pelikularen aurkezpenean. Wallisek aurkitu zuen munduan edertasuna zen nagusi, baina baita gainbehera ere. Hori berau azpimarratu nahi nuen: edertasunak ez duela zertan zoriontasuna bermatzen, gaineratu du.

Madonnak piztu duen ikusminaren aurrean, Roman Polanskiren falta ere somatu da ostegun honetan Venezian, zuzendari bertan ez bazegoen ere, zinemagilearen Carnage azken lana aurkeztu baitute Sail Ofizialean. Yasmina Rezaren antzezlan ezagunean oinarrituta dago filma, eta Jodie Foster, Kate Winslet, Christoph Waltz eta John C. Reilly dira bertan protagonistak. 11 urteko semeek izandako borrokak eraginda, bi bikoteren liskarra du lanak oinarri, eta, bikoteetako baten egongelan garatzen da ia osotasunean. Txalo artean hartu dute filma.




src=http://www.eitb.com/multimedia/images/2011/09/01/531397/531397_madonna_mostra_2011_3_EFE_detalle_1.jpg/



Informazio gehiago:Eitb: Madonna eta Polanski, protagonista Veneziako Mostran

158 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin