Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lorca egunerokotasunera itzultzen hasi da


2011-05-16 10:24

Gaur denda batzuk irekiko dituzte, eskola gehienak eta bai eta bizitzeko moduan dauden etxeetan gasa berriro jarriko dute. Halere, 4.000 kaltetuk kanpamentuetan bizitzen jarraitzen dute.

Bost gau pasa dira bi lurrikarek Lorca astindu zutenetik eta gaur hirian pixkanaka normaltasunera itzultzen saiatuko dira; denda batzuk berriro irekiko dituzte, eskola gehienak ere bai eta bizitzeko moduan dauden etxeetan gasa jarriko dute.

Larrialdietako Unitate Militarrak jarri dituen hiru kanpamentuetan eta hiriko beste puntu batzuetan etxerik gabe gelditu diren 4.000 lagunek bizitzen jarraitzen dute; horiei laguntza ematen ere jarraituko dute.

Hezkuntza, Formazio eta Lan Kontseilaritzak egindako aurrikuspenen arabera, gaur goizean 23 zentrotan eskolak hasiko dituzte berriro eta beraz, 6.682 ikaslek eskolara itzuli ahal izango dute. Beste hainbeste ikaslek, berriz, honetan bertan beste zentro batzuetara joan beharko dute aste beren eskolek egiturak kaltetuta dituztelako.

Lorca Centro osasun zentroa ere oso kaltetuta gelditu da lurrikaren ostean eta hara joaten diren gaixoak, beraz, Limako Santa Rosara aldatuko dituzte ziurrenik. Zerbitzu publikoei dagokienez, gaurtik aurrera gasa izango dute bizitzeko moduan dauden etxeetan.

Bitartean, Lorcako Udalak askoz ere informazio puntu gehiago jarriko ditu, 50 edo 60 guztira. Udal agintariek herritarrei bizitzeko moduan daudela esan duten etxeetara itzultzeko deia egin diete berriro, ez baitute inolako arriskurik arkitektoek hala baieztatu ostean.

Lorca



Informazio gehiago:Eitb: Lorca egunerokotasunera itzultzen hasi da

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin