Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Londresko Poliziak suminduen kanpalekua desegin du


2012-02-28 09:05

Occupy London mugimenduko kideek erresistentzia baketsua egin dute eta ez da istilu larririk izan urriaren 15ean altxatutako kanpalekua husterakoan. Hala ere, Poliziak 20 lagun atxilotu ditu.

Londresko Poliziak San Paul katedralaren parean altxatu zuten suminduen kanpalekua desegin du bart eta Occupy London mugimenduko 20 lagun atxilotu ditu erresistentziagatik, nahiz eta ez den istilu larririk izan, BBC telebista-kateak jakitera eman duenez.

Urriaren 15ean altxatu zuten kanpalekua Occupy London izeneko mugimenduko kideek eta Poliziak Auzitegi Gorenaren aginduari jarraituz egin du gaurko operazioa.

Suminduek banketxeen eta korporazio handien gehiegikerien kontra egin dute protesta bereziki, eta Twitter bidez legezko ikuskatzaileak behar direla aldarrikatu dute, Poliziak legez kanpoko atxiloketak egin dituelakoan.

Gainera, suminduek diote Auzitegi Gorenaren agindua kanpalekuko dendei bakarrik dagokiela, eta haiek nahi duten lekuan egoteko eskubidea dutela.



Informazio gehiago:Eitb: Londresko Poliziak suminduen kanpalekua desegin du

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin