Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Londresen istiluak izan dira eta ehun bat pertsona atxilotu dituzte


2011-08-08 10:49

Bart gaueko liskarretan Poliziaren bederatzi agente zauritu dira. Scotland Yardeko ordezkariek ohartarazi dutenez liskarrak beste auzo batzuetara zabaldu dira.Londres iparraldean, hegoaldean eta ekialdean istiluak izan dira berriro bart gauean. Scotland Yardek jakinarazi duenez, ehun pertsona baino gehiago atxilotu dituzte eta bederatzi agente zautitu dira. Aurreko egunean 26 polizia zauritu ziren liskarretan.

Azken bi gauetan jazotako liskarrak ekintza kriminala direla adierazi du Poliziak. Christine Jones Scotland Yardeko komandanteak ohartarazi duenez istiluak eta harrapaketak hiriburuko hainbat barrutitan ari dira gertatzen.

Agenteak harrituta daude euren kontrako indarkeria mailarekin, adierazi du Jonesek.

Antza, bederatzi agente zauritu dira bart, aurreko gauean, berriz, beste 26 polizia zauritu ziren. Ez dugu indarkeria lotsagarri hau onartuko. Kriminal hauek epaituak izan daitezen ikertzen ari gara, azpimarratu du.

Nik, londresko hiritar gehienek bezala, zentzurik gabeko indarkeria hau gaitzesten dut. Ez du inolako helbururik eta elkarbizitzaren hondamena baino ez du ekartzen, erantsi du Scotland Yardeko komandanteak.

Istiluak joan den larunbatean piztu ziren. 300 pertsona inguru polizia-etxe baten aurrean elkartu ziren Mark Duggan gaztearen(29 urte) heriotzarengatik justizia eskatzeko. Ostegunean, taxi batean zihoala, agente baten tiroek zauritu egin zuten.


Erabat onartezinak

Britainia Handiko Gobernuarentzat erabat onartzeinak izan dira istiluak. Erasoetan autobus bat eta zenbait polizia-auto kiskali dituzte.

Ohar baten bidez Downing Streeteko (Britainiako lehen ministroaren egoitza eta bulego ofiziala) bozeramaile batek atzo esan zuenez, ez dago Poliziak eta herritarrek jasandako erasoak, ezta eragindako kalte materialak ere justifikatzerik.

Poliziak ikerketa bat abiatu du istilu horiek argitzeko eta utzi beharko genuke prozesu horrek bere bidea egin dezan, David Cameronen Gobernuaren bozeramailearen esanetan.




Informazio gehiago:Eitb: Londresen istiluak izan dira eta ehun bat pertsona atxilotu dituzte

106 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin