Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lodosako ezbeharrak ezbaian jarri du entzierroetako segurtasuna


2011-08-03 10:34

Polizia Judiziala entzierroko hesiaren inguruan ikerketa egiten ari da, baina Nafarroako Gobernuak azaldu duenez, festetako espedientearen izapideak ongi eginak zeuden.

Lodosarrak erabat saminduta daude entzierroko hesia apurtu eta ihes egin zuen zekor batek adarkatuta hil zen 74 urteko gizonezkoaren heriotza dela eta. Ezbehar larri horrek ezbaian jarri du entzierroetako itxituren segurtasuna.

ETBk entzierroko zaleen artean jasotako hainbat adierazpenen arabera, herrietako festetara eramaten dituzten zezenkoek geroz eta tamaina handiagoa dute. Horrez gain, ibilbidearen tarte askotan hesi bakarra dagoela diote, hau da, ez omen dago errefortzurik.

Atzo Lodosan ezbeharra izan zen tartean, hain zuzen, hesibakarra zegoen. Pablo Azcona alkateak adierazi duenez, ongi jarraitu dituzte betebeharrak eta zekor mota horientzako bigarren hesia ez omen da beharrezkoa.

Jokin Zuasti Iruñeko entzierroko korrikalari adituak adierazi duenez, Nafarroako herrietako jaietan atera ohi dituzten zezenkoak tamaina handiko animaliak dira, 500 kilo ingurukoak, horrek festen ospea indartzen duelakoan.



Itxituraren inguruko ikerketa

Polizia Judiziala hesiaren haustura ikertzen ari da, baina Nafarroako Gobernuak adierazi duenez, entzierroa egiteko izapideak ongi eginak zeuden.

Nafarroako jai ekitaldi hauek 1992an onartutako Zezenketen Ikuskizunen Araudia jarraitzen dute. Arautegi horretan jasotzen dira ikuskizunaren antolatzaileek jarraitu beharreko betebeharrak eta baldintzak.

Lodosako Udalak entzierroaren inguruan jarraitutako izapideak denboran eta epean zorrotz bete zituela adierazi dute Nafarroako Barne Sailetik.



Informazio gehiago:Eitb: Lodosako ezbeharrak ezbaian jarri du entzierroetako segurtasuna

90 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin