Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Libian esku-hartzea onartu du NBEk


2011-03-18 08:34

- Hain zuzen ere, bonbardaketak egitea eta Libiako aire espazioa ixtea adostu du Segurtasun Kontseiluak.

- NATO ere esku-hartzeko prest agertu da, eskualdean oniritzia ematen badiote.

Libiako herritarrak babesteko eta aire-eremua ixteko beharrezko neurri guztiak hartzeko ebazpena eztabaidatu eta onartu du Nazio Batuen Erakundeak ostegun gauean.

NBEren Segurtasun Kontseiluaren ebazpenak hamar boto izan ditu alde eta bat ere kontra. Bost abstentzio izan ditu, besteak beste, Errusiarena eta Txinarena.

Gadafik Libiari (Bengasi barne) erasotzekotan, zibilak eta zibilen eremuak babesteko NBEko estatu kideek aire-erasoak erabili ahal izango dituztela jasotzen du NBEren ebazpen horrek.

Era berean, atzerriko edozein motatako okupazio indarren presentzia ukatu dute, Libiako edozein tokitan.

Frantziak, Erresuma Batuak eta Libanok babestutako ebazpenak Libiako aire-eremuan hegaldi guztiak debekatzen ditu, hiritarrak babesteko; halaber, aire-eremua libre dagoela bermatzeko beharrezko neurriak hartzeko baimena ematen du.

Era berean, arma-blokeoa gogortuko diote Libiari, eta joan den hilabetean Gadafiri eta gertuko kolaboratzaileei inposatutako zigorrak indartuko dituzte.

Halaber, Libian berehalako su-etena eskatu dute, Errusiak iradoki bezala.

Bestalde, giza eskubideen bortxaketa larriak eta sistematikoak, atxiloketa arbitrarioak, derrigorrezko desagerpenak eta exekuzio laburrak gaitzesten ditu ebazpenak bere sarreran.

NATO, esku-hartzeko prest

Bestalde, NATOk iragarri du Libian esku-hartzeko prest dagoela, nazioarteko operazio baten baitan, betiere mandatu legala badago eta eskualdean babesa badu.

Hori bai, Oana Lungascu NATOko bozeramaileak adierazi duenez, NATOk esku-hartzeko, aliantza atlantikoa beharrezkoa dela frogatu behar da lehenik eta behin.



src=http://www.eitb.com/multimedia/images/2011/03/18/439937/439937_onu_libia_detalle_1.jpg/



Informazio gehiago:Eitb: Libian esku-hartzea onartu du NBEk

57 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin