Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Libiako Atzerri ministroak bazterrean utzi du Gadafi


2011-03-31 08:52

Musa Kusa Gadafiren Gobernuko oinarrizko agintaria zen. Bestalde, Obamak ezkutuko operazioak egiteko baimena eman du eta NATOk bere gain hartu du nazioarteko operazio militarren ardura.

Erresuma Batuko Gobernuak jakinarazi duenez, Musa Kusa Libiako Atzerri ministroa Londresera heldu da eta kargua utzi nahi duela iragarri du, Muamar Gadafiren erregimeneko diplomaziaburuak Erresuma Batuari jakinarazi dionez.

Foreign Officen arabera, Kusa Tunisiatik etorritako hegazkin batean heldu da, eta Libiako erregimenaren ordezkari izateari uko egin diola iragarri du.

Londresera etorri da borondatez. Kargua utziko duela esan digu. Berarekin hitz egiten gaude, eta aurrerago datu gehiago emango ditugu, esan dute.

Kusak Gadafiren erregimenaren nazioarteko ordezkaria da, baina kargua utzi nahi du, esan dute.

AEBen ezkutuko operazioak

Barack Obama AEBetako presidenteak Libian egiten ari diren lanetan laguntzeko ezkutuko operazioak egitea baimendu du, hedabide estatubatuarrek zabaldu dutenez.

ABC News telebista-katearen arabera, agindu horrekin ez dute iraultzaileei armak emateko aukera zabaldu, baina aukera hori eta beste batzuk prestatzen ditu etorkizunean ibilbide hori aukeratuko balu.

Izan ere, iragan asteartean, Obamak esan zuen ez duela baztertzen Muamar Gadafiren kontra altxatu diren herritarrei armak ematea.

Jay Carney Etxe Zuriaren bozeramaileak zabaldutako prentsa-agirian argi adierazi du inteligentzia gaiei buruzko informaziorik ez dutela zabalduko, baina azpimarratu du ez dutela erabakirik hartu Libiako oposizioari armak ematearen inguruan. Ez dugu baztertzen, baina ez dugu onartu, azpimarratu du Carneyk.

Obamak agindua sinatu duela jakin den egunean bertan, The New York Times egunkariak CIAk Libian agenteak dituela jakinarazi du.

NATOk hartu du agintea

NATOk Libian egiten ari diren nazioarteko ekintza militar guztien agintea hartu du gaur, Frantziak, Britainia Handiak eta AEBek eskainitako trantsizioa osatu ondoren.

Giampaolo Di Paola NATOren Batzar Militarreko presidente eta almirante italiarrak eta Charles Bouchard jeneral kanadiarrak prentsaurrekoa emango dute Napolin egoera berriaren nondik norakoak azaltzeko.

Musa



Informazio gehiago:Eitb: Libiako Atzerri ministroak bazterrean utzi du Gadafi

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin