Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lekuko batek dio odol asko zegoela gorpua aurkitu zuten lekuan


2011-03-18 11:40

Ibai-eder urtegitik gertuko baserritar batek baieztatu du emakumeak kolpeak zituela aurpegian eta buruan. Ertzaintza kasua ikertzen ari da.

Ignacio Azpeitiako (Gipuzkoa) Ibai-eder urtegitik gertu bizi den baserritar batek baieztatu du atzo aurkitu zuten gorpuak kolpeak zituela aurpegian eta buruan. Gainera, hilotza aurkitu zuenetako bat izan omen zen eta inguruan odol asko ikusi zuela aipatu du.

Ignaciok azaldu duenez, bere emaztea eta lagun bat izan ziren bi manta, poltsa bat, pistola bat eta betaurreko batzuk aurkitu zituztenak. Gainera, odol asko ere ikusi omen zuten bertan.

Hori horrela, emazteak abisua eman zion Ignaciori eta hura eta semea berehala joan ziren ea zerbait ikusten zuten. Hara iritsi eta ezer ez omen zuten ikusi, baina azkeneko momentuan, uretan zerbait bazegoela ikusi zuen eta uraren gainetik aurpegi bat ageri zen.

Semeari esan nion pertsona baten aurpegia zirudiela. Hitz egiten ari ginela, hemen inguruko beste baserritar bat agertu zen eta urtegira jaitsi zen. Emakume baten gorpua zela esan zuen, beraz, Ertzaintzari deitu genion, adierazi du.

Ignaciok azpimarratu du hilotza agertu zen lekuan pistola bat aurkitu zutela, baina plastikozkoa zirudien. Ertzaintzak baieztatu du jaurtigairik gabeko arma bat zela.

Ertzaintza ari da kasua ikertzen. Jasotako datuen arabera hilketa bat izan daiteke. Hori baieztatuko balitz bost eguneko epean Gipuzkoan izan den bigarren hilketa kasua litzateke.



Informazio gehiago:Eitb: Lekuko batek dio odol asko zegoela gorpua aurkitu zuten lekuan

94 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin