Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehia, NDFren burua nor izango den erabakitzeko


2011-06-10 14:45

Nahi eta hautagaien hirukotea zehaztuta ez egon, badirudi Christine Lagarde frantziarraren, Agustin Carstens mexikarraren eta Grigori Marchenko kazakhstandarraren artean dagoela lehia.

Nazioarteko Diru Funtsak (NDF) ekainaren 30ean hautatuko du Dominique Strauss-Kahn zuzendariaren ordezkoa. Hark dimititu behar izan zuen maiatzaren 19an, zazpi sexu-eraso kargu eta bortxaketa saiakera bat egotzita auzipetu eta gero.

Hautagaiak aurkezteko epea gaur bukatuko da, eta oraingoz hiru hautagaitza baino ez dituzte baieztatu: Christine Lagarde frantziarra, Agustin Carstens mexikarra eta kazajo Grigori Marchenko kazakhstandarra.

Nolanahi ere, azkenean hautagai gehiago egongo balira, NDFk sekretuan gordeko lituzke guztien izenak, hiru hautagai baino ez hautatu arte.

Behin betiko hautagaien izenak hurrengo astean baieztatuko dituzte. Ondoren, NDFren batzorde betearazleak (187 herrialdetako 24 kidek osatzen dute) elkarrizketak egingo dizkie hautagaiei, eta hautatu egingo du Strauss-Kahnen ordezkoa.

Munduko Bankuko presidentea estatubatuarra izan ohi da, eta NDFkoa europarra, baina herrialde azeleratu berriek ohitura hori hautsi nahi dute.


Christine Lagarde, faboritoa

Frantziako Ekonomia eta Finantza ministroa faborito nagusia da NDF zuzentzeko. Europa Zaharraren (Alemania, Frantzia eta Erresuma Batua) hautagaia da, eta hainbat babes ditu G20an eta euroaren krisiaren kudeaketan egindako lanagatik.

Ministro frantziarra AEBetan eskarmetu handia eskuratu ostean helduko litzateke NDFra. Baker&McKenzie (AEB) bulegoan hasi zen lenean, lehenengo Parisen duen egoitzan, 1981ean; geroago, 1999an, bulego horren nazioarteko batzarraren presidente izendatu zuten.

2004ean, nazioarteko batzorde estrategikoaren presidente ere izan zen, eta urtebete geroago kargua utzi behar izan zuen, Jacques Chirac orduan presidente zenaren gobernu-taldean sartzeko, Kanpo Merkatuko ministro lanetan.

55 urterekin, Lagarde abokatu eta bi seme-alaben ama NDFren zuzendaritzara heldu den lehenengo emakumea izango litzateke; era berean, G7ko herrialdeen artean lehenengo emakumea izan zen Ekonomia eta Finantza mininstroa izaten.

Agustin Carstens, herri latinoamerikarren alternatiba

Lagarderen lehiakide nagusiena Agustin Carstens da, Mexikoko Bankuko gobernadorea. Herrialde azaleratu berrien hautagaia bilakatzen saiatu da, hautagai bat aho batez aukeratzerako orduan gehiegi banatutako bloke batean dagoen arren.

Espainia, Belice, Bolivia, Colombia, Honduras, Guatemala, Nicaragua, Panama, Paraguay, Peru, Dominikar Errepublica, Uruguay eta Venezuelaren babesa du Carstensek.

Banku zentralean egon kargua izan aurretik, Ogasuna eta Kreditu Publikoko idazkaria (ministroa) izan zen ekonomistak, eta Mexikoren ordezkaria izan zen gobernu finantza erakunde nagusienetan.

Horretaz gain, Banku Mundialaren Garapen Batzordearen presidentea izan da (2007-2009) eta ondo ezagutzen du Nazioarteko Diru Funtsa. Izan ere, Mexiko, Espainia, Venezuela eta Erdialdeko Amerikako zuzendari exekutiboa izan zen eta ondoren, erakundearen zuzendari ordea. Gainera, 2003tik 2006ra NDFren bigarrena izan zen.


Grigori Marchenko, ekialdeko herrien aukera

Hirugarren hautagaia Grigori Marchenko da, Kazakhstango Banku Nazionalaren zuzendaria. Marchenkok Errusia eta Estatu Burujabeen Erkidegoaren beste hamar kideen babesa jaso du.

Kazakhstanen errekurtso energetiko eta mineral anitz daude, Errusia eta Txinaren hornitzaile nagusia da eta Erdialdeko Asiako ekonomiaren sustatzailea.

Ameriketako Estatu Batuak oraindik ez du esan zein hautagaiaren alde dago.




Informazio gehiago:Eitb: Lehia, NDFren burua nor izango den erabakitzeko

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin