Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehendakariaren aurka EAJk eskatu duen zentsura mozioa baztertu du PPk


2012-01-23 10:47

Iñaki Oyarzabal ETAren amaieraz mintzatu da eta oinarri demokratikoetan finkatu behar dela esan du ETAren inguruak agenda ezarri beharrean.

Iñaki Oyarzabal PPko idazkari orokorra Radio Euskadiko Boulevard saioan egon da ETAren amaieraz hitz egiten, baita bizkartzainak kentzearen, PSE-EErekin duten akordioaren eta Kutxabanken aurreikuspenen inguruan ere.

Indarkeriaren amaiera oinarri demokratikoetan kudeatzeko denak batera egotea inoiz baino garrantzitsuagoa dela esan du Oyarzabalek. Honen harira, ezin dugu ezker abertzalearen eskakizunetan erori, alderdi demokratiko handiek jarri behar dugu pausoa, adierazi du.

Alderdi Popularraren proposamena, ezker abertzaleari printzipio demokratikoak bere gain hartzeko prest dagoen ala ez galdetzea da. ETAren amaierak eskatzen ditugun oinarri demokratikoetan oinarritu behar dira, ETAren inguruak agenda zehaztu gabe, berretsi du. Gizarteak asko sufritu du eta ezker abertzaleak eman behar ditu pausoak, ez gizarteak.

Espetxe politikaren eta lehendakariak honen inguruan egin dituen adierazpenen inguruan, Oyarzabalek esan du pena ematen diola Patxi Lopez urduritzen hasi dela ikusteak. Lehendakaria urduri jarri da eta erakundeei eskakizunak egiten dizkiei, baina berak hartu behar du lidertza eta ezker abertzaleari exijentziak egin behar dizkio.Presa gutxiago eskatu behar zaio, adierazi du.

Bizkartzainak kentzeaz ere mintzatu da Oyarzabal. Itsaropenarekin ikusten dugu, baina zuhurtasunez egin behar da. Ezin dira ez kriterio ekonomikoak, ezta politikoak erabili ere gai honetan. Guk azterketa zehatz bat eskatzen dugu, pertsonalizatuta, eta bi Gobernuen artean egin behar dela uste dugu, ondorioztatu du.

Sozialistei eginiko kritikez gain, Oyarzabalek Patxi Lopez legegintzaldia amaitu arte babestuko dutela berretsi du. Gobernu hau lagunduko dugu euskal erakundeen egonkortasuna mantentzeko zentzuzkoena hori delako.

Larunbatean, Urkulluk, Radio Euskadin Patxi Lopezen aurkako zentsura mozio bat proposatu zuen. Baina denek zentzu berean arraun egitea onena dela uste du Oyarzabalek eta horrelakorik egitea baztertu du.

Kutxabankerako EAJrekin egin duten akordioaren inguruan, PPk denak batera egoteko ahal zuen guztia egin zuela berresti du, baino alderdi sozialista Bildurekin jolasten hasi zen eta Bilduren eskutik negoziazio horietatik aldendu zen, esan du Oyarzabalek. EAJrekin lorturiko akordioa ona da Euskadiko finantza sistemarentzat eta merkatuei konfiantza ematen die.

Iñaki



Informazio gehiago:Eitb: Lehendakariaren aurka EAJk eskatu duen zentsura mozioa baztertu du PPk

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin