Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehendakariak ez du nahi aurrekontuak Rajoyk inposatzea


2012-01-09 11:11

PPk ezarritako PFEZ erreformarekin eskuratuko diren 580 milioietatik, 500 lan errentatik lortuko direla adierazi du.

Patxi Lopez lehendakariak iragarri du Mariano Rajoy presidentearekin biltzen denean argi adieraziko diola Jaurlaritzak ez duela onartzen erkidegoko aurrekontuak Luis de Guindosen Ekonomia Ministerioak kontrolatzea.

Radio Euskadin egin dioten elkarrizketa batean azaldu duenez, datorren hilabeterako aurreikusi duten bileran kartzela-politika malgutzea eskatuko dio Rajoyri. Horrela, presoak Euskal Herrira hurbiltzea eta hirugarren graduak ematea proposatuko omen dio, baina argi adierazi du ez dela jorratuko duten gai bakarra izango. Izan ere, hizketagai izango omen dituzte biktimak, memoriaren eraikuntza, pedagogia demokratikoaren zabalkundea eta beste hainbat gai, krisi ekonomikoari lotutakoak batez ere.

Patxi Lopezek gogor kritikatu du Espainiako Gobernuak PFEZ zergan egindako erreforma eta EAEn ezartzearen kontra agertu da, izan ere, neurri horrek Ogasunarentzat bilduko lituzkeen 580 milioi euroetako 500 lan-errenten zergatik iritsiko omen dira, eta 80 kapital errenten gaineko zergatik.

Ekonomikoki, aurtengo lehenengo seihilekoa ez dela ona izango aurreikusi du, eta EAE bigarren seihilekoan sartuko dela suspertzeko bidean.

Bestalde, Jaurlaritzak, Legebiltzarrean beharrezko babesa duen bitartean, legegintzaldia amaituko duela azpimarratu du eta hurrengo hauteskundeetan ere lehendakarigai izango dela hitz eman du.

PFEZ



Informazio gehiago:Eitb: Lehendakariak ez du nahi aurrekontuak Rajoyk inposatzea

41 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin